Лука 5:21 - Анкълова Лука

²¹ Диниябла аьлимлана фарисейлана сидхъа-гьоᵸсо бикълабашал муьхобалъийо: – СукӀо сукӀод ахъал нуцӀос вагьди вагьаллийо инжитаб-гьаькъираб жо йекӀцас? Аллагьлихъа̄ъ инсаллис мунагьла чурзи йовагьна йа̄хъаъас, – лӀо нисойо гьогло.

Лука 5:21 Referans Kwoze

Лука 7:49

Гьулиъ гаьгьийа̄с пикро бахъийо: – СукӀо сукӀод Гьуди аьдамла̄ш мунагьлана чурзи йовагьна йа̄хъцас?

Лука 5:17

Гьоᵸс водолалъ Иса ваъза-насигьат бо̄слаъ, Гьолцохъа энекзи бахъийа аьдамла̄ъ эᵸдо зувакъойо Галилеялила шибаб аьлӀаъашна, Ягьудиялиъисна, Иерусалимлиъисна мокъова̄ фарисейлана динияб аьлимлана. БетӀергьаллис къудратлъи зукъойо Гьолцоъ кӀовакӀова ба̄хълал.

Лука 3:8

Миже бо̄ва тавбалас пихъ йегала. Иле Ирбагьинила наслолас къова̄ гейлӀо нисона бикълабаша̄къа. Гьуна До мизохъа нисос, Аллагьлил йадда вагьаддо̄л кьала̄на Ирбагьинила къова̄л Гьогцохъа йуьᵸвахонна йа̄хъца.

Лука 5:22

Гьоглола йакӀиъ гаьгьийо жона йикъена, Иса нисолца: – Суд мизола йакӀиъ вагьаллийа пикрова йа̄хъийо?