Лука 15:13 - Анкълова Лука

¹³ Лади водла̄ъас итӀиносо оьжо, гьинил ирслиъ йиᵸхъо̄йо къацӀцӀо окко-меседна лъицӀо-къайна йоькчина, аьгъиъна эᵸкьейолӀо на̄ди цӀихо гаьгьийо улкалиъ. Оᵸкъа̄цо гьолцо, иᵸхъо-ахъхъа кӀаьйлӀона, гьинис гаьгьийо къацӀцӀо окко-месед йугъонна гей.

Лука 15:13 Referans Kwoze

Акълова 29:3

Аᵸкъиллъи йаццала оьжди або рази о̄с, хъаьгьба̄гъой къацӀо эчейа – абос бечелъи пасад йо̄с.

Акълова 21:17

Ихтилат-кеп баццас сукӀо язихлъилаъ оᵸкъос, гъинона маьгь кӀетӀо йеᵸлъна йаццас сукӀо бечед ахъаъас.

Акълова 28:7

ЦӀодораб оьжо Къанонликьа уьᵸхо-аьᵸхеш, оᵸх чикейа̄ла вацца абол рогьо-ниц бо̄с.

Лука 16:19

– Зукъона гей бечедаб, кӀетӀо лъицӀона лъичӀена, гьинила бечелъилас кепна бокчина, оьмро богьцас гьоᵸс пуланаб сукӀо.

Лука 16:1

Гьинила асгьабла̄хъа Иса бадона хабар ме̄йо: – Сид бечедаб сукӀос зукъона гей гьинила мал-мулклис тӀалаб богьцас хъуллухъчи. Гьолцокьа аьйиб мокъона гей гьинил йатӀгъа бечелъи йугъолцалӀо нисона.

Лука 15:30

Амма дибо зукъойо бечелъина хъагьба̄гъой къацӀо эс-хулӀона йолъонна оᵸкъова вагьацо дибола оьждил ми ахо бегъакӀийо бише мухона гей».

Акълова 27:8

Сиᵸ йечаннегьна мекьейа мигьналилъ эᵸлъейо ахъца гьинис билӀо йечаннегьна эᵸкьейо сукӀо.

Акълова 21:20

Аᵸкъилаблила билӀоъ йокӀолло жо йолъаъцас йахъца, аьбдаллилӀо нисода билӀоъ гаьгьийо жо залӀил йуьᵸхолча.

Акълова 18:9

КьодтуцӀо билӀо йогьцас сукӀо ахъца гьули йугъолцала̄с ис.

Акълова 6:26

КӀаьйлӀочала ийодда̄ла аьдамли ми баьба-хокӀалиъис маьгьрум о̄с, сукӀола ахъхъалӀо нисода, дул хирияб дибо оьмро бугъолца!

Лука 15:12

ИтӀинасола оьжди нисона гей абохъа: «Або, дибола ирслис гьинил мехецас бутӀа нилӀа», – лӀо. Або гьоглол ирс битӀна гей.

Лука 15:14

Гьолцохъас къацӀцӀо окко-месед йолъова замаллиъ, вагьалълъо улкалиъ йоᵸкъона гей йукъо ракъи. Гьули оьжона йилӀа йазихлъилаъ кези ахъна гей.