Лука 12:1 - Анкълова Лука

¹ Вагьалълъо мехлаъ гьаза-гьазайла̄д аьдамла къацӀобакна йукъо къолӀолаба̄лъи зукъойо. Сидил гьоᵸсо бовацилло гьаьллъилакьа зукъойо гьоллос иш. Иса гьакъкъа Гьинила асгьабла̄хъа икълашал уьᵸхолъийо: – Вере миже цӀуми ба̄хъ фарисейла̄ла хашилакьас, гьай гьоллола къонда̄ моькьоколъи йо̄вакьас.

Лука 12:1 Referans Kwoze

Лука 12:56

Къонда̄ моькьова̄ш миже! Гьаᵸса-мицас гьаьл батӀа йовал бикъеш мизол, суд вагьдо заман нӣйо гаьгьийона бикъаъас?

Лука 11:44

Балагь-азаб мизол, судлӀо нисода миже гей йегаба̄ъцас шуна̄лъийа; кьодолакьа̄ мекье-гугьцала аьдамла̄л гьогго̄л йегаба̄ъас.

Лука 6:17

Гьинила асгьабла̄гъой къацӀо Иса, ма̄ькьаш лӀийона гогьна, авлахълиъ эчеш. Гьулиъ мокъос Гьолцос тели асгьаблана, къацӀцӀо Ягьудиялиъисна, Иерусалимлиъисна, гьула̄зу ралъадбадой шеблаъ гаьгьийа̄ Тирна Сидонна шагьарба̄ъаш букъо аьламна.

Лука 5:15

Амма Исас хабар халкъилаъ гьех митемекьейо. Гьолцохъа энекзи бахъална, унтилаъас сагъ бахъална тели аьдамла мовакъос зувакъойо.

Лука 5:1

Аллагьлис калам тухъал батӀийа̄ аьдамла̄ со̄ᵸгъой къацӀобакна гаьгьийа мехлаъ, Гьули зукъойо ГеннисаретлӀо нисоцала ралъадбадой.