رُؤْيَا يُوحَنَّا ٱللَّاهُوتِيِّ 7:17 - العهد الجديد باللهجة الجزائرية

¹⁷ خاطَر الخْروف اللي راهو في وَسط العَرش يَرعاهُم ويْڤَوَّدهُم لعْناصَر الما الحَي، والله يَمسَح كُل دَمعة من عينيهُم".

رُؤْيَا يُوحَنَّا ٱللَّاهُوتِيِّ 7:17 Referans Kwoze

إِنْجِيلُ يُوحَنَّا 4:14

بَصَّح اللي يَشرُب من الما اللي أنا نَعطيهولو، ما يْزيدش يَعطَش على الدْوام، والما اللي نَعطيهولو يْوَلّي فيه عَنصَر تْفيض منو الحْياة الدايمة".

إِنْجِيلُ يُوحَنَّا 4:11

قالَتلو المْرا: "سيدي، ما عَندكش بيدون والبير غامَق، منين هِمّالا يْكون عَندك هاد الما الحَي؟

رُؤْيَا يُوحَنَّا ٱللَّاهُوتِيِّ 22:1

ووَرّالي واد مْتاع ما الحْياة، صافي كي البَلاّر، خارَج من عَرش الله والخْروف.

رُؤْيَا يُوحَنَّا ٱللَّاهُوتِيِّ 21:4

ورايَح يَمسَح كُل دَمعة من عينيهم، والموت ما تْوَلّيش كاينة. لا حْزَن، لا عْياط، لا وْجاع ما يْوَلّي كايَن، خاطَر الحاجات القْدَم راحو.

رُؤْيَا يُوحَنَّا ٱللَّاهُوتِيِّ 21:6

وقاللي: "صْرا، أنا هُوَ الأَلِف والياء، البْدية والأَخَّر. أنا للعَطشان نْعطي من العَنصَر ما حَي باطَل.

إِنْجِيلُ يُوحَنَّا 10:11

أنا هُوَ الراعي المْليح، الراعي المْليح يْمَد حْياتو للخَرفان،

إِنْجِيلُ يُوحَنَّا 10:14

أنا الراعي المْليح، نَعرَف الخَرفان مْتاعي وهومَ يَعَّرفوني،

رُؤْيَا يُوحَنَّا ٱللَّاهُوتِيِّ 5:6

وشَفت في وَسط العَرش والحَيّات الرَبعة وفي وَسط الشْيوخة خْروف واقَف كي اللي مَدبوح، وعَندو سَبع ڤْرون وسَبع عينين هومَ أرواح الله السَبعة اللي نْبَعتو على كامَل الأرض.

إِنْجِيلُ مَتَّى 2:6

"وأَنتِ يا بيت لَحم، بْلاد من اليَهودِيّة، ما راكيش كامَل مَهيونة ما بين الرِيّاس مْتاع اليَهودِيّة، خاطَر مَنَّك يَخرُج قايَد، هُوَ اللي يَرعا شَعبي إِسرائيل"".

رُؤْيَا يُوحَنَّا ٱللَّاهُوتِيِّ 4:11

تَستاهَل يا رَبّنا وإلَهنا تاخُد المَجد، الكَرامة، والقُدرة خاطَر خْلَقت كُل شي وبمُرادَك كانو ونْخَلقو.

رِسَالَةُ بُطْرُسَ ٱلرَّسُولِ ٱلْأُولَى 5:2

أرعاو قْطيع الله اللي في وَسطكُم. ماشي بالسيف، برْضاوة الخاطَر، على حْساب الله. بالحَماس، ماشي على جال الفايدة الشينة.

أَعْمَالُ ٱلرُّسُلِ 20:28

رَدّو بالكُم على نْفوسكُم وعلى كامَل القْطيع اللي داركُم الروح القُدّوس مَسؤولين عليه، باش تَلَتهاو بكَنيسة الله اللي جابها بدَمّو.

إِنْجِيلُ مَتَّى 5:4

يا سَعد الحْزانى خاطَر رايحين يَتعَزّاو.

إِنْجِيلُ يُوحَنَّا 4:10

جاوَب يَسوع وقالَلها: "لوكان تَعَّرفي هِبة الله وشْكون اللي راهو يْقولَك أعطيني نَشرُب، كُنتي طْلَبتي منّو وهُوَ يَعطيك ما حَيّ"،

رُؤْيَا يُوحَنَّا ٱللَّاهُوتِيِّ 14:4

هَدو هومَ اللي ما تْنَجّسوش مع النْسا، خاطَر هومَ عُزّاب، هومَ اللي يْتَبّعو الخْروف وين يْروح. هَدو نَشراو من بين بْني آدَم، باكور لله وللخْروف،

رُؤْيَا يُوحَنَّا ٱللَّاهُوتِيِّ 21:22

وما شَفت فيها حَتّى مَعبَد، خاطَر الرَب الإلَه القادَر هُوَ مَعبَدها، هُوَ والخْروف.

رُؤْيَا يُوحَنَّا ٱللَّاهُوتِيِّ 21:23

والمْدينة ما كانَت تَسحَق لا شَمس وَلا قْمَر باش يْضَوّيوها، خاطَر مَجد الله ضَوّاها والخْروف هُوَ شَمعَتها.