رُؤْيَا يُوحَنَّا ٱللَّاهُوتِيِّ 4:8 - العهد الجديد باللهجة الجزائرية

⁸ والحَيّات في رَبعة، واحدة واحدة، كُل واحدة كان عَندها سَت جْناحتين سايَر دايَر ومْعَمّرين بالعينين من الداخَل، ما يْرِيّحو لا ليل لا نْهار وهومَ يْقولو: قُدّوس، قُدّوس، قُدّوس الرَب، الله القادَر، اللي كان والكايَن والجاي.

رُؤْيَا يُوحَنَّا ٱللَّاهُوتِيِّ 4:8 Referans Kwoze

رُؤْيَا يُوحَنَّا ٱللَّاهُوتِيِّ 1:8

أنا الألِف واليا، يْقول الرَب الإلَه، الكايَن واللي كان والجاي، القادَر.

رُؤْيَا يُوحَنَّا ٱللَّاهُوتِيِّ 4:6

قُدّام العَرش كي بْحَر مْتاع الزْجاج بْحال البَلّور. وفي وَسط العَرش وسايَر دايَر عليه رَبع حَيّات مْعَمّرين بالعينين من القُدّام ومن اللور.

اَلرِّسَالَةُ إِلَى ٱلْعِبْرَانِيِّينَ 13:8

المَسيح هُوَ هُوَ، البارَح واليوم وللدْوام.

رُؤْيَا يُوحَنَّا ٱللَّاهُوتِيِّ 15:3

ويْغَنّيو تَرنيمة موسى، عَبد الله، وتَرنيمة الخْروف ويْقولو: "عْمالَك كْبار وهايلين يا الرَب الإلَه القادَر، طُرقانَك حَقّانِيّين وصَح يا سَلطان الأمّات،

رُؤْيَا يُوحَنَّا ٱللَّاهُوتِيِّ 11:17

وهومَ يْقولو: "نَحَّمدوك أنتَ يا رَب، الإلَه القادَر، الكايَن واللي كان، خاطَر خْديت قَوّتَك الكْبيرة ومْلَكت.

رُؤْيَا يُوحَنَّا ٱللَّاهُوتِيِّ 16:7

وسْمَعت المَدبَح يْقول: "إيه، يا رَب الإِلَه القادَر، حْكامَك حَقّانِيّين وصالحين"

رُؤْيَا يُوحَنَّا ٱللَّاهُوتِيِّ 7:15

على هَدا اللي راهُم قُدّام عَرش الله، يَعَّبدوه ليل ونْهار فالمَعبَد مْتاعو والقاعَد على العَرش يْحَط خيمتو عليهُم،

رُؤْيَا يُوحَنَّا ٱللَّاهُوتِيِّ 21:22

وما شَفت فيها حَتّى مَعبَد، خاطَر الرَب الإلَه القادَر هُوَ مَعبَدها، هُوَ والخْروف.

رُؤْيَا يُوحَنَّا ٱللَّاهُوتِيِّ 19:15

ومن فَمّو كان يُخرَج سيف قاطَع، باش يَضرَب بيه الأُمّات، ويَرعاهُم بعْصا مْتاع الحْديد، وهُوَ يَعفَس في مَعصرة شْراب الزْعاف الكْبير مْتاع الله القادَر.

رُؤْيَا يُوحَنَّا ٱللَّاهُوتِيِّ 3:7

وأكتَب لمْلاك كَنيسة فيلادَلفِيا: "هاو واش يْقول القُدّوس، الحَق، اللي عَندو مَفتاح داوَد، اللي كي يْحَل واحَد ما يَقدَر يَغلَق وكي يَغلَق واحَد ما يَقدَر يْحَل؛

رُؤْيَا يُوحَنَّا ٱللَّاهُوتِيِّ 1:4

من يوحَنّا للكْنايَس السَبعة اللي في آسيا: نَعمة ليكُم وسْلام من عَند الكايَن واللي كان والجاي، ومن عَند الأرواح السَبعة اللي راهُم قُدّام عَرشو،

رُؤْيَا يُوحَنَّا ٱللَّاهُوتِيِّ 4:4

وسايَر دايَر على العَرش رَبعة وعَشرين عَرش، وفوق الرَبعة وعَشرين عَرش رَبعة وعَشرين شيخ قاعدين لابسين حْوايَج بْيوضة وعلى ريسانهُم تيجان مْتاع الدْهَب.

2 ໂກຣິນໂທ 6:18

نْكون باباكُم وتْكونو وْلادي وبْناتي." يْقول الرَب القادَر.

رُؤْيَا يُوحَنَّا ٱللَّاهُوتِيِّ 16:14

ياخي هومَ أرواح الشْياطَن اللي يْديرو المارات، ويْروحو لسْلاطَن الأرض المَسكونة كامَل، باش يْلَمّوهُم لحَرب اليوم الكْبير مْتاع الله القادَر.

رُؤْيَا يُوحَنَّا ٱللَّاهُوتِيِّ 14:11

ويَطلَع دُخّان عْدابهُم على الدْوام، وما عَندهُم راحة لا نْهار لا ليل اللي يَعَّبدو الهايشة وتَصويرَتها، واللي نال الشامة مْتاع آسَمها.

رِسَالَةُ بُولُسَ ٱلرَّسُولِ ٱلتَّانِيةُ إِلَى تِيمُوتَاوُسَ 4:2

بَرَّح بالكَلمة، وَكَّد كي تْكون السَبّة وبْلا ما تْكون، لوم، عَيَّط، سَجَّع بكُل صْبَر وبالتَعليم،

رِسَالَةُ بُولُسَ ٱلرَّسُولِ ٱلْأُولَى إِلَى تِيمُوتَاوُسَ 4:16

رَد بالَك على روحَك وعلى التَعليم، أَتبَت في هاد الشي. إيه، كي تْدير هَكدا، تْسَلَّك روحَك واللي يَسَّمعولَك تاني.

تسالونيكي الأولى 2:9

ياخي تَشفاو يا الخاوة على شْقانا وتَعبنا وحْنا نَخَّدمو ليل ونْهار باش ما نْتَقّلو على حَتّى واحَد كي بَشَّرناكُم بإنجيل الله،

أَعْمَالُ ٱلرُّسُلِ 20:31

على هَدا، رَدّو بالكُم وتْفَكّرو باللي مُدّة تَلت سْنين ما حْبَستش ليل ونْهار وأنا بالدْموع نْحَدَّر في كُل واحَد فيكُم.

رُؤْيَا يُوحَنَّا ٱللَّاهُوتِيِّ 4:9

وكُل ما كانو الحَيّات يْسَبّحو ويْكَرّمو ويَحَّمدو القاعَد على العَرش، الحَي على الدْوام،

رُؤْيَا يُوحَنَّا ٱللَّاهُوتِيِّ 5:6

وشَفت في وَسط العَرش والحَيّات الرَبعة وفي وَسط الشْيوخة خْروف واقَف كي اللي مَدبوح، وعَندو سَبع ڤْرون وسَبع عينين هومَ أرواح الله السَبعة اللي نْبَعتو على كامَل الأرض.

رُؤْيَا يُوحَنَّا ٱللَّاهُوتِيِّ 6:1

وشَفت كي حَل الخْروف واحَد من الخْتوم السَبعة، وسْمَعت واحدة من الحَيّات الرَبعة يْقول بصوت كي الرَعد: "أرواح".

رُؤْيَا يُوحَنَّا ٱللَّاهُوتِيِّ 6:6

وسْمَعت كي شْغُل صوت من وَسط الحَيّات الرَبعة يْقول: "كيلة مْتاع القَمح بدينار وتَلت كيلات مْتاع الشْعير بدينار، بَصَّح الزيت والشْراب ما تْخَسَّرهُمش".

رُؤْيَا يُوحَنَّا ٱللَّاهُوتِيِّ 7:11

وكامَل المَلايكة كانو سايَر دايَر على العَرش ومعاهُم الشْيوخة والحَيّات الرَبعة وسَجدو قُدّام العَرش عابدين الله،

رُؤْيَا يُوحَنَّا ٱللَّاهُوتِيِّ 14:3

وكانو يْغَنّيو كي شْغَل تَرنيمة جْديدة قُدّام العَرش وقُدّام الرَبع حَيّات والشْيوخة، وواحَد ما قْدَر يَتعَلَّم التَرنيمة من غير المْية ورَبعة ورَبعين ألَف اللي نَشراو من الأرض.

رُؤْيَا يُوحَنَّا ٱللَّاهُوتِيِّ 15:7

وواحَد من الرْبَع خْليقات عْطا للسْبَع مَلايكة سْبَع كيسان مْتاع الدْهَب مْعَمّرين بزْعاف الله الحَي للدْوام.

رُؤْيَا يُوحَنَّا ٱللَّاهُوتِيِّ 19:4

ورَكعو الشْيوخة الرَبعة وعَشرين والخْلايَق الرَبعة وسَجدو قُدّام الله القاعَد على العَرش وهومَ يْقولو: "آمين، هَلِّلويا".