رُؤْيَا يُوحَنَّا ٱللَّاهُوتِيِّ 1:7 - العهد الجديد باللهجة الجزائرية

⁷ هاو جاي مع السْحاب، كُل عين تْشوفو حَتّى اللي تَقبوه، ويْنوحو عليه كامَل قْبايَل الأرض. إيه، آمين.

رُؤْيَا يُوحَنَّا ٱللَّاهُوتِيِّ 1:7 Referans Kwoze

إِنْجِيلُ مَتَّى 24:30

داك الساع، تْبان مارة بْن الإنسان فالسْما، وكامَل عْشايَر الدَنيا يَخَّبطو في صْدورهُم، ويْشوفو بْن الإنسان جاي على سْحابات السْما بقُدرة ومَجد كْبير،

إِنْجِيلُ يُوحَنَّا 19:37

ومَكتوب تاني: "يْشوفو للّي تَقبوه".

إِنْجِيلُ مَرْقُسَ 14:62

داك الساع قاللو يَسوع: "أنا هُوَ، ورايحين تْشوفو بْن الإنسان قاعَد على يْمين القُدرة وجاي مع سْحابات السْما".

إِنْجِيلُ لُوقَا 21:27

داك الوَقت، يْشوفو بْن الإنسان جاي فوق سْحابة بقُوّة وهيبة كْبيرة.

تسالونيكي الأولى 4:17

أومبَعد، حْنا اللي مازَلنا حَيّين، نَنخَطفو معاهُم فالسْحاب باش نْلاقيو الرَب فالهْوا، وهَكدا نَبقاو دايمًا مع الرَب.

تسالونيكي الأولى 1:10

وتَستَنّاو وْليدو الجاي من السْماوات، اللي حْياه من الموت، يَسوع اللي سَلَّكنا من زْعاف الله الجاي.

إِنْجِيلُ مَرْقُسَ 13:26

وداك الساع يْشوفو بْن الإِنسان جاي فالسْحابات بقُدرة كْبيرة ومَجد.

رِسَالَةُ يَهُوذَا 1:14

وتْنَبَّأ عليهُم أنوخ، السابَع بَعد آدَم وقال: "هاو يْجي الرَب مع القَدّيسين الألوف مْتاعو،

إِنْجِيلُ مَتَّى 26:64

قاللو يَسوع: "راك قُلتها، ونْزيد نْقولَلكُم، من دُرك تْشوفو بْن الإنسان قاعَد على يْمين القُدرة وجاي على سْحابات السْما."

رُؤْيَا يُوحَنَّا ٱللَّاهُوتِيِّ 22:20

يْقول اللي يَشهَد بهاد الشي: "إيه، نْجي بالخَف"، "آمين، أرواح يا رَب يَسوع"

رِسَالَةُ يُوحَنَّا ٱلرَّسُولِ ٱلْأُولَى 3:2

يا الحْباب، دُرك رانا وْلاد الله، ومازال ما بانش واش رايحين نْكونو. نَعَّرفو باللي لوكان يْبان، نْكونو بْحالو، خاطَر نْشوفوه كيما راهو.

اَلرِّسَالَةُ إِلَى ٱلْعِبْرَانِيِّينَ 10:29

شْحال في بالكُم يْكون صْعيب العِقاب اللي يَستاهلو اللي يَعفَس على ابن الله ويَحسَب دَم العَهد اللي تْقَدَّس بيه ناجَس ويْهين روح النَعمة؟

إِنْجِيلُ يُوحَنَّا 19:34

بَصَّح واحَد من العَسكَر، تْقَبلو جَنبو بالرَمح مْتاعو، وتَم تَم خْرَج من جَنبو الدَم والما.

رُؤْيَا يُوحَنَّا ٱللَّاهُوتِيِّ 22:4

ويْشوفو وَجهو وآسمو على جْبايَههُم.

اَلرِّسَالَةُ إِلَى ٱلْعِبْرَانِيِّينَ 6:6

وطاحو، مُحال يْعاودو يْجَدّدو التوبة، خاطَر يْعاودو يْرَدّو في خاطَرهُم ابن الله على الصْليب، ويْوَصّلوه للمْعايرة.

إِنْجِيلُ مَتَّى 16:27

خاطَر بْن الإنسان رايَح يْجي في مَجد باباه مع المَلايكة مْتاعو، وداك الوَقت يْجازي كُل واحَد على حْساب فْعالو.

إِنْجِيلُ مَتَّى 16:28

نْقولَلكُم الصَح، من اللي راهُم هْنا، كايَن اللي ما يْدوقوش الموت قْبَل ما يْشوفو بْن الإنسان جاي فالمَلَكوت مْتاعو."

إِنْجِيلُ مَتَّى 25:31

كي يْجي بْن الإنسان في مَجدو وكامَل المَلايكة معاه، داك الوَقت يَقعُد على عَرش المَجد مْتاعو،