إِنْجِيلُ مَرْقُسَ 3:14 - العهد الجديد باللهجة الجزائرية

¹⁴ خَيَّر طْناش، باش يْكونو معاه وباش يَبعَتهُم يْبَرّحو بالإنجيل،

إِنْجِيلُ مَرْقُسَ 3:14 Referans Kwoze

أَعْمَالُ ٱلرُّسُلِ 1:8

بَصَّح رايحين تْنالو قُدرة كي يْجي عليكُم الروح القُدّوس، وتْكونو شْهودي في أورشَليم وفي كامَل اليَهوديّة والسامِرة وحَتّى لطَرف الدَنيا".

إِنْجِيلُ يُوحَنَّا 15:16

ماشي أنتومَ اللي خَيَّرتوني، أنا اللي خَيَّرتكُم وكَلَّفتكُم باش تْروحو وتْجيبو غَلّة وتْدوم غَلَّتكُم، باش واش تَطَّلبو من الآب بآسمي، يَعطيهولكُم،

رِسَالَةُ بُولُسَ ٱلرَّسُولِ إِلَى أَهْلِ غَلَاطِيَّةَ 1:1

بولَس، رَسول لا من عَند الناس، وَلا من عَند بْنادَم، بَصَّح من عَند يَسوع المَسيح والله الآب اللي حْياه من الموت،

إِنْجِيلُ لُوقَا 24:47

ويَتبَرَّح في آسمو بالتوبة لغُفران الدْنوب في كامَل الأُمّات ويَبداو بأورشَليم.

إِنْجِيلُ مَرْقُسَ 3:13

طْلَع للجْبَل وعَيّط للي سْحَقهُم وراحو ليه.

إِنْجِيلُ مَرْقُسَ 3:15

وتْكون عَندهُم الحُكمة باش يْخَرّجو الشْياطَن.

إِنْجِيلُ مَرْقُسَ 6:30

تْلَمّو الرُسُل عَند يَسوع وخَبّروه بكامَل واش دارو وواش دَرّسو.