إِنْجِيلُ مَتَّى 5:8 - العهد الجديد باللهجة الجزائرية

⁸ يا سَعد اللي قَلبهُم صافي خاطَر رايحين يْشوفو الله،

إِنْجِيلُ مَتَّى 5:8 Referans Kwoze

اَلرِّسَالَةُ إِلَى ٱلْعِبْرَانِيِّينَ 10:22

هَيّاو نْقَربو لله بقَلب صادَق مْعَمَّر بالإيمان، بَعدما تْطَهّرو قْلوبنا من الضَمير الدوني ونْغَسلَت داتنا بالما الصافي.

اَلرِّسَالَةُ إِلَى ٱلْعِبْرَانِيِّينَ 12:14

تَبعو إلَهنا مع كامَل الناس والقَداسة اللي بلا بيها واحَد ما يْشوف الرَب،

رِسَالَةُ يَعْقُوبَ 4:8

قَرّبو من الله وهُو يْقَرَّب منكُم. نَقّيو يَدّيكُم يا الخاطيين، طَهّرو قْلوبكم يا اللي مْنين جا الريح يَدّيكُم،

رِسَالَةُ بُطْرُسَ ٱلرَّسُولِ ٱلْأُولَى 1:22

بَعد ما طَهَّرتو نْفوسكُم بطاعة الحَق باش تْكون عَندكُم مْحَبّة أخَويّة بلا تْنوفيق، حَبّو بَعضكُم بَعض بَزّاف وبقَلب صافي.

رِسَالَةُ يَعْقُوبَ 3:17

بَصَّح العْقَل مْتاع الفوق، الأوَّل طاهَر، أومبَعد مْهَنّي، يَرفَق، طايَع، مْعمَّر بالرَحمة والفْعال الصالحين، ما يْديرش الصَف وما يَتنوفَقش.

رِسَالَةُ بُولُسَ ٱلرَّسُولِ إِلَى تِيطُسَ 1:15

كُل شي صافي للصافيين، بَصَّح للي تْنَجّسو واللي ماشي مومنين حاجة ماهي صافية، تْنَجَّس العْقَل والضَمير تَعهُم،

أَعْمَالُ ٱلرُّسُلِ 15:9

وما فَرَّق بيننا وبينهُم في حَتّى شي وصَفّا قْلوبهُم بالإيمان.

اَلرِّسَالَةُ إِلَى ٱلْعِبْرَانِيِّينَ 9:14

دَم المَسيح كْتَر، هُوَ اللي بروح دايَم وْهَب روحو لله بلا عيب، باش يْصَفّي ضَميرنا من العْمال المِيّتين ونَخَّدمو الله الحَي.

2 ໂກຣິນໂທ 7:1

على حْساب اللي نَلنا هاد الوْعود، يا الحْباب، هَيّا نَتطَهّرو حْنا بالدات من كُل خْماج مْتاع الدات والروح، نْكَمّلو نَتقَدّسو فالخوف من الله.

لرسالة الأولى إلى أهل كورنثوس 13:12

اليوم رانا نْشوفو في مْراية، مْضَبَّب، بَصَّح داك الوَقت نْشوفو وَجه لوَجه. دُرك نَعرَف نَص، بَصَّح داك الوَقت نَعرَف بالكْمال كيما نَعرَفت.

رُؤْيَا يُوحَنَّا ٱللَّاهُوتِيِّ 22:4

ويْشوفو وَجهو وآسمو على جْبايَههُم.