إِنْجِيلُ مَتَّى 17:3 - العهد الجديد باللهجة الجزائرية

³ وهام وين ضَهرولهُم موسى وإيليّا يَهَّدرو مع يَسوع.

إِنْجِيلُ مَتَّى 17:3 Referans Kwoze

إِنْجِيلُ لُوقَا 24:44

قالَلهُم: "هَدا هُوَ كْلامي اللي قُلتهولكُم كي كُنت مازالني معاكُم، باللي لازَم يَتحَقَّق كُل شي مَكتوب علِيَّ في شَريعة موسى وكْتوب الأنبيا والمَزامير"،

إِنْجِيلُ مَرْقُسَ 9:4

وضْهَرَّلهُم إِيلِيّا وموسى يَهَّدرو مع يَسوع.

إِنْجِيلُ لُوقَا 24:27

أومبَعد بْدا من موسى ومن كامَل الأنبيا وفَسَّرلهُم كامَل واش مَكتوب عليه.

إِنْجِيلُ لُوقَا 16:16

الشَريعة والأَنبيا دامو حَتّى لزْمان يوحَنّا، من داك الوَقت بْدات البْشارة بمَلَكوت الله، وكُل واحَد يَستَعمل القُوّة باش يَدخُل ليه.

إِنْجِيلُ لُوقَا 9:33

كي كانو هَدوك الزوج رْجال رايحين يْفارقو يَسوع، قال بُطرُس ليَسوع: "سيدي، مْليح لو كان نَبقاو هنا، نْديرو تَلت خْيَم، واحدة ليك، واحدة لموسى وواحدة لإيلِيّا"، وما كانش عارَف واش كان يْقول.

إِنْجِيلُ لُوقَا 1:17

يَمشي قُدّام الرَب بروح وقُدرة النَبي إلِيّا، باش يَرَجَّع قْلوب الوالدين لوْلادهُم والعاصيين لعْقَل الصالحين، باش يْهَيّي للرَب شَعب واجَد".

إِنْجِيلُ يُوحَنَّا 1:17

خاطَر الشَريعة نَعطات بموسى، النَعمة والحَق وَصلو بيَسوع المَسيح.

إِنْجِيلُ مَتَّى 17:2

وتْبَدَّل قُدّامهُم، وضْوا وَجهو كي الشَمس ووَلاّو حْوايجو بْيوضا كي النور.

إِنْجِيلُ مَتَّى 17:4

نْطَق بُطرُس وقال ليَسوع: "يا رَب، مْليح لو كان نْكونو هْنا، وَلاّ حَبّيت، نْدير هْنا تَلت خْيَم، واحدة ليك، واحدة لموسى وواحدة لإيلِيّا."