إِنْجِيلُ مَتَّى 10:1 - العهد الجديد باللهجة الجزائرية

¹ عَيَّط يَسوع للتابعين الطْناش مْتاعو، عْطالهُم القُدرة على الأَرواح الناجسين باش يْخَرّجوهُم وباش يَشفيو من كُل مَرض وكُل عيب.

إِنْجِيلُ مَتَّى 10:1 Referans Kwoze

إِنْجِيلُ لُوقَا 10:19

راني نَعطيلكُم الحُكمة باش تَعَّفسو على اللْفاعي والعْقارَب وعلى كامَل قُوّة العْدو وحَتّى حاجة ما تْضَرّكُم،

إِنْجِيلُ لُوقَا 24:49

وأنا نَبعَتَّلكُم اللي وْعَد بيه بابا. بَصَّح أقَّعدو فالمْدينة حَتّى تَتلَبّسو بقُوّة مالفوق".

أَعْمَالُ ٱلرُّسُلِ 1:8

بَصَّح رايحين تْنالو قُدرة كي يْجي عليكُم الروح القُدّوس، وتْكونو شْهودي في أورشَليم وفي كامَل اليَهوديّة والسامِرة وحَتّى لطَرف الدَنيا".

إِنْجِيلُ يُوحَنَّا 3:27

جاوَب يوحَنّا وقال: "ما يَقدَرش بْنادَم يَدّي حاجة وَلاّ ما نَعطاتلوش من السْما،

إِنْجِيلُ لُوقَا 6:13

كي طْلَع النْهار، عَيَّط للتابعين مْتاعو، وخَيَّر منهُم طْناش سَمّاهُم رُسُل.

إِنْجِيلُ لُوقَا 21:15

خاطَر أنا نَعطيلكُم كْلام وعْقل ما يَقَّدروش عَديانكُم يْقاوموهُم وَلاّ يْواجبو عليهُم،

أَعْمَالُ ٱلرُّسُلِ 19:15

جاوَبهُم الروح الشَرّاني وقال: "نَعرَف يَسوع ونَعرَف بولَس بَصَّح أنتومَ شْكون؟"

إِنْجِيلُ يُوحَنَّا 17:2

على حْساب اللي عْطيتلو القُدرة على كُل دات باش يَعطي لكامَل اللي عْطيتهوملو الحْياة الدايمة،

إِنْجِيلُ يُوحَنَّا 6:70

جاوَبهُم يَسوع: "ماشي أنا خَيَّرتكُم أنتومَ الطْناش؟ وواحَد فيكُم شيطان"،

إِنْجِيلُ يُوحَنَّا 3:35

الآب يْحَب الإبن وعْطالو كُل شي في يَدّو،

رُؤْيَا يُوحَنَّا ٱللَّاهُوتِيِّ 12:1

مارة كْبيرة ضَهرَت فالسْما، مْرا مْلَحفة بالشَمس والقْمَر تَحت رَجليها وعلى راسها تاج مْتاع طْناشَن نَجمة،

إِنْجِيلُ مَتَّى 26:47

كي كان يَهدر، جا يَهودا، واحَد من التابعين الطْناش، ومعاه غاشي كْبير بسْيوفة ومْطارَق، مَبعوتين من رِيّاس رْجال الدين وشْيوخ الشَعب.

إِنْجِيلُ مَتَّى 26:20

وكي طاح الليل، كان على الميدة مع التابعين الطْناش،

إِنْجِيلُ مَتَّى 19:28

قالَلهُم يَسوع: "نْقولَلكُم الصَح، فالوَقت وين يَتجَدَّد كُل شي، كي يْكون بْن الإنسان قاعَد على عَرش المَجد مْتاعو، أنتومَ اللي تَبَّعتوني تْكونو تاني قاعدين على طْناشَن عَرش تْحاكمو العْشايَر الطْناش مْتاع إسرائيل.

إِنْجِيلُ مَتَّى 6:13

وما تَدّيناش للغْواية، بَصَّح نَجّينا من الحيلي".

إِنْجِيلُ مَتَّى 4:23

أومبَعد، راح يَسوع يْطَوَّف كامَل الجْليل، يْدَرَّس في مْجامَعهُم ويْبَرَّح ببْشارة المَلَكوت ويَشفي كُل مَرض وكُل عيب فالشَعب.

إِنْجِيلُ مَتَّى 9:35

كان يَسوع يْطَوَّف المْدايَن كامَل والدْشور، يْدَرَّس في مْجامَعهُم ويْبَرَّح ببْشارة المَلَكوت ويَشفي من كُل مَرض وكُل عيب،

إِنْجِيلُ مَتَّى 9:38

هِمّالا، أَطَّلبو من مول الحْصاد باش يَبعَت خَدّامين للحْصاد".