إِنْجِيلُ لُوقَا 8:29 - العهد الجديد باللهجة الجزائرية

²⁹ خاطَر يَسوع آمَر الروح الناجَس باش يَخرُج من الراجَل، خاطَر شْحال من مَرّة كان هاد الشيطان يَحَّكمو وكانو يَرَّبطوه بالسْناسَل والحْديد في رَجليه باش يَحَّبسوه بَصَّح هُوَ كان يْقَطَّعهُم ويَدّيه الشيطان اللي ساكنو للخْلا.

إِنْجِيلُ لُوقَا 8:29 Referans Kwoze

إِنْجِيلُ لُوقَا 9:42

كي كان جاي، صَرعو الشيطان ووَلاّ يَتخَبَّط. هَدَّد يَسوع الروح الناجَس وشْفا الوْلَد ورَجّعو لباباه.

إِنْجِيلُ لُوقَا 9:39

روح يَحَّكمو، وتَم تَم يَبدا يْعَيَّط، ويَتخَبَّط ويَخُرّجو الرْغاوي من فَمّو وما يَطَّلقو الروح حَتّى يْفَشّلو.

إِنْجِيلُ مَرْقُسَ 5:8

خاطَر يَسوع قاللو: "أَخرُج من الراجَل يا الروح الناجَس"،

إِنْجِيلُ لُوقَا 8:28

كي شاف يَسوع، عَيَّط ورْكَع قُدّامو وقال بالزور: "واش بيني وبينَك يا يَسوع بْن الله العالي؟ نَترَجّاك، ما تْعَدَّبنيش"،

إِنْجِيلُ لُوقَا 8:30

سَقساه يَسوع: "واسمَك؟" قاللو: "جيش"، خاطَر شْياطَن بَزّاف كانو دَخلو فيه.