إِنْجِيلُ لُوقَا 5:5 - العهد الجديد باللهجة الجزائرية

⁵ جاوَب سَمعان وقال: "سيدي، خْدَمنا ليل كامَل وما صَيَّدنا حَتّى حاجة، بَصَّح على كَلمتَك نَرمي الشْبَك."

إِنْجِيلُ لُوقَا 5:5 Referans Kwoze

إِنْجِيلُ يُوحَنَّا 2:5

قالَت يَمّاه للخَدّامين: "ديرو كامَل واش يْقولَلكُم"

إِنْجِيلُ يُوحَنَّا 15:14

تْكونو حْبابي لوكان تْديرو واش نامَركُم،

إِنْجِيلُ يُوحَنَّا 21:3

وقالَلهُم سَمعان بُطرُس: "راني رايَح نْصَيَّد"، قالولو: "حْنا تاني نْجيو معاك". خَرجو وطَلعو فالفْلوكة وفي هَديك الليلة ما صَيّدو والو.

إِنْجِيلُ لُوقَا 8:24

تْدَنّاو ليه ونَوّضوه وقالو: "سيدي، سيدي، رايحين نْموتو". ناض يَسوع، وغير هَدَّد الريح والموجات، حَبسو وتْهَدنت الحالة.

إِنْجِيلُ لُوقَا 17:13

وعَيّطو وقالو: "يَسوع، سيدي، حَن علينا"،

إِنْجِيلُ لُوقَا 9:33

كي كانو هَدوك الزوج رْجال رايحين يْفارقو يَسوع، قال بُطرُس ليَسوع: "سيدي، مْليح لو كان نَبقاو هنا، نْديرو تَلت خْيَم، واحدة ليك، واحدة لموسى وواحدة لإيلِيّا"، وما كانش عارَف واش كان يْقول.

إِنْجِيلُ لُوقَا 9:49

جاوَب يوحَنّا وقال: "سيدي، شَفنا واحَد يْخَرَّج الشْياطَن بآسمَك ومْنَعناه خاطَر ما راهوش يْتَبَّع فيك معانا".

إِنْجِيلُ لُوقَا 8:45

قال يَسوع: "شْكون مَسّني؟ خاطَر حَسّيت بقُوّة خَرجَت مَنّي". كي كامَل نَكرو، قال بُطرُس: "سيدي، الغاشي راهو مَتزاحَم ومْضَيَّق عليك"،