إِنْجِيلُ يُوحَنَّا 8:47 - العهد الجديد باللهجة الجزائرية

⁴⁷ اللي من الله يَسمَع كْلام الله، على هَدا أنتومَ ما تَسَّمعوش، خاطَر أنتومَ ماشي من الله؟"

إِنْجِيلُ يُوحَنَّا 8:47 Referans Kwoze

رِسَالَةُ يُوحَنَّا ٱلرَّسُولِ ٱلتَّانِيَةُ 1:9

كُل من يَتعَدّا وما يَبقاش في تَعليم المَسيح، ما عَندوش الله، اللي يَبقا فالتَعليم، هَدا عَندو الآب والإبن.

إِنْجِيلُ يُوحَنَّا 18:37

قاللو بيلاطَس: "هِمّالا أنتَ سَلطان؟" واجَب يَسوع: "أنتَ قُلت باللي أنا سَلطان، أنا على هَدا اللي نْزَدت وعلى هدا اللي جيت للدَنيا، باش نَشهَد للحَق، اللي من الحَق يَسمَع صوتي".

رِسَالَةُ يُوحَنَّا ٱلرَّسُولِ ٱلْأُولَى 3:10

في هاد الشي اللي يْبانو وْلاد الله ووْلاد إبليس: اللي ما يْديرش الصْلاح، ماشي من الله، اللي ما يْحَبش خوه تاني.

إِنْجِيلُ يُوحَنَّا 8:45

بَصَّح أنا كي نْقول الصَح ما تامنونيش.

إِنْجِيلُ يُوحَنَّا 8:37

راني عارَف باللي أنتومَ وْلاد إبراهيم، بَصَّح حَبّيتو تَقُّتلوني خاطَر كْلامي ما لْقاش مْكان فيكُم،

إِنْجِيلُ يُوحَنَّا 8:43

عْلاش ما تَعَّرفوش لُغتي؟ خاطَر ما تْقَدروش تَسَّمعو كْلامي،

إِنْجِيلُ يُوحَنَّا 6:65

وقال: "على هَدا قُلتَلكُم، واحَد ما يَقدَر يْجي لِيَّ غير وَلاّ أتَّعطالو هاد الشي من الآب".

رِسَالَةُ يُوحَنَّا ٱلرَّسُولِ ٱلتَّالِتَةُ 1:11

يا الحْبيب، ما تْتَبَّعش الشَر، تَبَّع الخير. اللي يْدير الخير من الله، اللي يْدير الشَر ما شافش الله.

رِسَالَةُ يُوحَنَّا ٱلرَّسُولِ ٱلْأُولَى 5:1

كُل من يامَن باللي يَسوع هُوَ المَسيح مَولود من الله، وكُل من يْحَب اللي وْلَد لازَم يْحَب تاني اللي نَولَد مَنّو.

إِنْجِيلُ يُوحَنَّا 5:25

نْقولَلكُم الصَح الصَح، تْجي الساعة وراهي جات وين الموتى يَسَّمعو صوت بْن الله، واللي يَسَّمعوه يَحياو،

إِنْجِيلُ يُوحَنَّا 12:48

اللي ما يَقبَلنيش وما يَقبَلش كْلامي، عَندو اللي يْحاسبو، الكْلام اللي قُلتو، هُوَ اللي يْحاسبو فاليوم الآخَّر،