إِنْجِيلُ يُوحَنَّا 3:17 - العهد الجديد باللهجة الجزائرية

¹⁷ والله ما بْعَتش وْليدو للدَنيا باش يْحاكَم الدَنيا، بَعتو باش بيه تَسلَك الدَنيا.

إِنْجِيلُ يُوحَنَّا 3:17 Referans Kwoze

رِسَالَةُ يُوحَنَّا ٱلرَّسُولِ ٱلْأُولَى 4:14

وحْنا شَفنا ونَشَّهدو باللي الآب بْعَت وْليدو سَلاّك فالدَنيا.

إِنْجِيلُ لُوقَا 19:10

خاطَر بْن الإنسان جا باش يْحَوَّس على اللي كان ضايَع ويْسَلَّكو."

إِنْجِيلُ يُوحَنَّا 6:57

وكيما الآب الحَي بْعَتني كيما أنا نَحيا بالآب، هَكدا اللي ياكُلني هَداك تاني يَحيا بِيَّ،

إِنْجِيلُ يُوحَنَّا 6:40

هَدا هُوَ مُراد بابا: كُل من يْشوف الإبن ويامَن بيه يْنال الحْياة الدايمة، وأنا نَحييه فاليوم الأخَّر".

إِنْجِيلُ يُوحَنَّا 6:29

واجَب يَسوع وقالَلهُم: "هَدي هِي الخَدمة مْتاع الله، كي تامنو باللي بَعتو هُوَ"،

إِنْجِيلُ يُوحَنَّا 20:21

زاد قالَلهُم: "سْلام ليكُم، كيما بْعَتني الآب، أنا تاني نَبعَتكُم"،

رِسَالَةُ يُوحَنَّا ٱلرَّسُولِ ٱلْأُولَى 2:2

وهُوَ الكَفّارة لدْنوبنا، ماشي بَرك دْنوبنا حْنا، دْنوب كامَل الدَنيا.

إِنْجِيلُ يُوحَنَّا 17:3

هَدي هِيَ الحْياة الدايمة، كي يَعَّرفوك أنتَ الإلَه الوَحيد الحَقّاني ويَسوع المَسيح اللي بْعَتتو.

إِنْجِيلُ يُوحَنَّا 11:42

أنا راني عارَف باللي تَسمَعلي دايمًا، بَصَّح على جال الغاشي اللي راهو دايَر بِيَّ اللي هْدَرت، باش يامنو باللي أنتَ بْعَتتني".

إِنْجِيلُ يُوحَنَّا 7:29

أنا نَعَّرفو، خاطَر أنا من عَندو، وهُوَ اللي بْعَتني."

إِنْجِيلُ يُوحَنَّا 5:45

بَلاكو تَحَّسبو باللي أنا نَتهَمكُم قُدّام الآب، اللي يَتهَمكُم هُوَ موسى اللي رْجيتو فيه،

إِنْجِيلُ يُوحَنَّا 8:42

قالَلهُم يَسوع: "لو كان الله باباكم كُنتو تْحَبّوني، خاطَر أنا خْرَجت من الله وجيت، ما جيتش من راسي، هُوَ اللي بْعَتني.

إِنْجِيلُ يُوحَنَّا 1:29

غَدوة من داك، شاف يوحَنّا يَسوع جاي ليه وقال: "هاوليك خْروف الله اللي يْنَحّي الخْطِيّة من الدَنيا،

إِنْجِيلُ يُوحَنَّا 17:8

خاطَر عْطيتَلهُم الكْلام اللي عْطيتني وهومَ قَبلوه وعَرفو مْتاع الصَح باللي أنا خْرَجت منَّك وآمنو باللي أنتَ بْعَتّني،

إِنْجِيلُ يُوحَنَّا 10:36

أنتومَ تْقولو للي قَدّسو الآب وبَعتو للدَنيا، راك تَكفَر، خاطَر قُلت أنا بْن الله؟

إِنْجِيلُ يُوحَنَّا 5:36

أنا عَندي شْهادة كْبيرة على شْهادة يوحَنّا، خاطَر الأَعمال اللي عْطاهُملي الآب باش نْكَمَّلهُم، هاد الأَعمال بالدات اللي نْديرهُم يَشَّهدولي باللي الآب بْعَتني،

إِنْجِيلُ يُوحَنَّا 17:21

باش يْكونو كامَل واحَد، كيما أنتَ يا بابا فِيَّ وأنا فيك، وهومَ تاني يْكونو فينا، باش تامَن الدَنيا باللي أنتَ بْعَتّني،

إِنْجِيلُ يُوحَنَّا 5:38

وما عَندكُمش الكَلمة مْتاعو تابتة فيكُم، خاطَر ما تامنوش اللي بَعتو هُوَ.

إِنْجِيلُ مَتَّى 1:23

"هايلِك العاتَق تَرفَد الجوف وتْزَيَّد وْلَد ويْسَمّيوَه "عَمّانوئيل""، اللي مَعنَاه "الله مْعانا"".

إِنْجِيلُ مَتَّى 18:10

رَدّو بالكُم تَحَّڤرو واحَد من هاد الصْغار، خاطَر نْقولَلكُم المَلايكة مْتاعهُم فالسْما يْشوفو دايمًا وَجه بابا اللي فالسْما.

إِنْجِيلُ لُوقَا 9:56

وراحو لدَشرة واحَدوخرى.

إِنْجِيلُ يُوحَنَّا 3:34

اللي بَعتو الله يْقول كْلام الله، خاطَر الله ما يْمَدش الروح بالحْساب،

إِنْجِيلُ يُوحَنَّا 6:38

خاطَر هْبَطت من السْما ماشي باش نْدير مُرادي، باش نْدير مُراد اللي بْعَتني،

إِنْجِيلُ يُوحَنَّا 8:11

قالَت هِيَ: "حَتّى واحَد سيدي". قال يَسوع: "وأنا ما نَحكَمش عليك، روحي ومن دُرك ما تْزيديش تَدَنبي."

إِنْجِيلُ يُوحَنَّا 17:18

كيما بْعَتّني للدَنيا، أنا تاني بْعَتّهُم للدَنيا،

إِنْجِيلُ يُوحَنَّا 17:23

أنا فيهُم وأنتَ فِيَّ، باش يْكونو مَتوَحّدين مْليح، باش تَعرَف الدَنيا باللي أنتَ بْعَتّني وباللي تْحَبّهُم كيما تْحَبّني،

إِنْجِيلُ يُوحَنَّا 17:25

يا بابا الصالَح، الدَنيا ما عَرفاتَكش، بَصَّح أنا عْرَفتَك وهَدو عَرفو باللي أنتَ بْعَتّني،