إِنْجِيلُ يُوحَنَّا 10:18 - العهد الجديد باللهجة الجزائرية

¹⁸ واحَد ما يْنَحّيهالي، أنا نْمَدّها بمْحَبّة خاطري، عَندي القُدرة باش نْمَدها وعَندي القُدرة باش نْعاوَد نَدّيها، هَدا هُوَ الفَرض اللي آمَرني بيه بابا".

إِنْجِيلُ يُوحَنَّا 10:18 Referans Kwoze

اَلرِّسَالَةُ إِلَى ٱلْعِبْرَانِيِّينَ 2:9

نْشوفو هَداك اللي تْنَزَّل شْوِيّة على المَلايكة، يَسوع، على جال عْداب الموت، تْتَوَّج بالبْها والشان، باش، بنَعمة الله، داق الموت على جال كُل واحَد.

رِسَالَةُ بُولُسَ ٱلرَّسُولِ إِلَى تِيطُسَ 2:14

اللي مَد روحو على جالنا، باش يْسَلَّكنا من كُل دَنب ويْطَهَّر لروحو شَعب مُختار، مَتحَمَّس للفْعال المْلاح.

إِنْجِيلُ يُوحَنَّا 10:17

على هَدا اللي الآب يْحَبّني، خاطَر أنا نْمَد حْياتي باش نْعاوَد نَدّيها،

إِنْجِيلُ يُوحَنَّا 14:31

بَصَّح لازَم تَعرَف الدَنيا باللي نْحَب الآب وباللي نْدير كيما آمَرني الآب، نوضو، هَيّا نْروحو منّا".

إِنْجِيلُ يُوحَنَّا 6:38

خاطَر هْبَطت من السْما ماشي باش نْدير مُرادي، باش نْدير مُراد اللي بْعَتني،

إِنْجِيلُ يُوحَنَّا 15:10

وَلاّ طَعتو فْرايضي، تَبقاو في مْحَبّتي، كيما أنا طَعت فْرايَض بابا وبْقيت في مْحَبّتو.

إِنْجِيلُ يُوحَنَّا 10:11

أنا هُوَ الراعي المْليح، الراعي المْليح يْمَد حْياتو للخَرفان،

أَعْمَالُ ٱلرُّسُلِ 3:15

وقْتَلتو رايَس الحْياة اللي حْياه الله مالموت وحْنا شاهدين.

أَعْمَالُ ٱلرُّسُلِ 2:24

هُوَ اللي الله حْياه، وسَلّكو من وْجاع الموت خاطَر كان مُحال باش يَتَّحكَم برْباطها،

إِنْجِيلُ يُوحَنَّا 5:30

أنا ما نَقدَر نْدير حَتّى حاجة من عَندي، كيما نَسمَع نْحاسَب، والمْحاسبة مْتاعي حَقِّيّة، خاطَر ما نْحَوَّسش على مُرادي، نْحَوَّس على مُراد اللي بْعَتني.

أَعْمَالُ ٱلرُّسُلِ 2:32

يَسوع هَدا، حْياه الله ورانا كامَل شاهدين على هاد الشي،

إِنْجِيلُ يُوحَنَّا 19:11

واجبو يَسوع: "ما كانَت تْكون عَندك حَتّى قُدرة علِيَّ لوكان ما نَعطاتلَكش من الفوق، على هَدا اللي سَلَّمني ليك عليه دْنوب كْتَر".

إِنْجِيلُ يُوحَنَّا 10:15

كيما يَعرَفني الآب وأنا نَعَّرفو، وحْياتي نْمَدّها على جال الخَرفان مْتاعي،

إِنْجِيلُ يُوحَنَّا 5:26

خاطَر كيما الآب عَندو الحْياة فيه، هَكدا تاني عْطا للإبن باش تْكون عَندو الحْياة فيه،