إِنْجِيلُ يُوحَنَّا 1:4 - العهد الجديد باللهجة الجزائرية

⁴ فيها كانَت الحْياة، والحْياة كانَت النور لبْني آدَم،

إِنْجِيلُ يُوحَنَّا 1:4 Referans Kwoze

إِنْجِيلُ يُوحَنَّا 8:12

زاد هْدَر معاهُم يَسوع وقال: "أنا نور الدَنيا، اللي يْتَبَّعني ما يَمشيش فالضَلمة، يْكون عَندو نور الحْياة"،

إِنْجِيلُ يُوحَنَّا 12:46

أنا جيت نور للدَنيا، باش كُل من يامَن بِيَّ، ما يَبقاش فالضَلمة،

إِنْجِيلُ يُوحَنَّا 5:26

خاطَر كيما الآب عَندو الحْياة فيه، هَكدا تاني عْطا للإبن باش تْكون عَندو الحْياة فيه،

إِنْجِيلُ يُوحَنَّا 9:5

مادامني فالدَنيا، أنا نور الدَنيا".

إِنْجِيلُ يُوحَنَّا 11:25

قالَلها يَسوع: "أنا هُوَ القِيامة والحْياة، اللي يامَن بِيَّ حَتّى لو كان يْموت يَحيا،

رِسَالَةُ يُوحَنَّا ٱلرَّسُولِ ٱلْأُولَى 5:11

وهَدي هِيَ الشْهادة: الله عْطالنا الحْياة الدايمة، وهاد الحْياة راهي في وْليدو.

إِنْجِيلُ يُوحَنَّا 14:6

قاللو يَسوع: "أنا هُوَ الطْريق والحَق والحْياة، واحَد ما يْجي للآب غير بِيَّ،

إِنْجِيلُ يُوحَنَّا 12:35

قال يَسوع: "مازالو النور معاكُم شْوِيّة، أمشيو مادام عَندكُم النور باش ما يْحَبَّسكُمش الضْلام، اللي يَمشي فالضَلمة ما يَعرَفش وين راهو رايَح،

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 5:14

وكامَل اللي يَضهَر هُوَ نور، وعلى هَدا تْقال: "أفطَن يا الراقَد وقوم من الموت، يْضَوّيلَك المَسيح."

إِنْجِيلُ مَتَّى 4:16

الشَعب القاعَد فالضَلمة شاف نور كْبير، والقاعدين في بْلاد الموت وضَلّها، شْرَق عْليهم نور."

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 3:4

وكي يَضهَر المَسيح، حْياتكُم، تَضَّهرو أنتومَ تاني معاه فالمَجد.

أَعْمَالُ ٱلرُّسُلِ 26:23

باللي المَسيح يَتعَدَّب، يْكون الأوَّل اللي يْقوم من الموت، ويْبَرَّح بالنور للشَعب وللأُمّات."

إِنْجِيلُ لُوقَا 2:32

نور يَهدي الأُمّات وشان لشَعبَك إسرائيل".

رِسَالَةُ يُوحَنَّا ٱلرَّسُولِ ٱلْأُولَى 1:2

الحْياة بانَت، وشَفنا ونَشَّهدو ونْخَبّروكُم بالحْياة الدايمة اللي كانَت عَند الآب وبانَت لينا،

إِنْجِيلُ يُوحَنَّا 5:21

كيما الآب يْنَوَّض الموتى ويَحييهُم، الإبن تاني يَحيي اللي يْحَب.

رُؤْيَا يُوحَنَّا ٱللَّاهُوتِيِّ 22:16

"أنا يَسوع بْعَثت مْلاكي، باش نَشهَدَّلكُم بهاد الشي على الكْنايَس. أنا اَصَل ودَرِيّة داوَد، النَجمة الضَوّاية مْتاع الصْباح.

لرسالة الأولى إلى أهل كورنثوس 15:45

على هَدا اللي مَكتوب: "آدَم، الإنسان الأوَّل، وَلاّ نَفس حَيّة، وآدَم الأخراني روح تَحيي".

رُؤْيَا يُوحَنَّا ٱللَّاهُوتِيِّ 22:1

ووَرّالي واد مْتاع ما الحْياة، صافي كي البَلاّر، خارَج من عَرش الله والخْروف.

إِنْجِيلُ يُوحَنَّا 3:19

وهَدا هُوَ الحُكم، النور جا للدَنيا، وبْني آدَم حَبّو الضْلام في عوض النور، خاطَر فْعالهُم كانو دونِيّين،

رِسَالَةُ يُوحَنَّا ٱلرَّسُولِ ٱلْأُولَى 1:1

اللي كان من البَدية، اللي سْمَعناه، اللي شَفناه بعينينا، اللي ريناه ومَسّيناه بيَدّينا في آمَر كَلمة الحْياة،