رِسَالَةُ يَعْقُوبَ 5:19 - العهد الجديد باللهجة الجزائرية

¹⁹ يا خاوتي، وَلاّ واحَد بيناتكُم ضاع بْعيد على الحَق، لازَم واحَدآخُر يْرَدّو،

رِسَالَةُ يَعْقُوبَ 5:19 Referans Kwoze

رِسَالَةُ بُولُسَ ٱلرَّسُولِ إِلَى أَهْلِ غَلَاطِيَّةَ 6:1

يا الخاوة، لو كان يَتَّحكَم واحَد وهُوَ يْدير في غَلطة، أنتومَ الروحِيّين رَدّوه للطْريق بالمْلاحة. رَد بالَك خاطَر أنتَ بالدات تَقدَر تَتَّغوا.

إِنْجِيلُ مَتَّى 18:15

وَلاّ غْلَط فيك خوك، روح ولومو بينَك وبينو هُوَ بَرك، وَلاّ سْمَعلَك راك رْبَحت خوك،

رِسَالَةُ يَعْقُوبَ 5:20

أعَّرفو باللي اللي يْرَد الخاطي من طْريق الضْياعة مْتاعو، يْسَلَّك حْياتو من الموت ويَستَر بَزّاف من الدْنوب.

إِنْجِيلُ لُوقَا 22:32

بَصَّح أنا صَلّيتلَك باش ما يَضعَفش إيمانَك، وأنتَ كي تْنَهدا، تَبَّت خاوتَك".

رِسَالَةُ بُطْرُسَ ٱلرَّسُولِ ٱلتَّانِيَةُ 3:17

أنتومَ هِمّالا، يا الحْباب، اللي فْهَمتو، رَدّو بالكُم تْعودو تَنغَرّو بضْياعة اللي ما عَندهُمش الدين وتْطيحو بَعد تْباتكُم،

رِسَالَةُ بُولُسَ ٱلرَّسُولِ ٱلْأُولَى إِلَى تِيمُوتَاوُسَ 6:10

إيه، السَبّة مْتاع هاد الوْجاع كامَل هِيَّ مْحَبّة المال، اللي كي حَوّسو عليه ضاعو بْعيد على الإيمان وجَوّزو على روحْهُم وْجاع بَزّاف.

رِسَالَةُ بُولُسَ ٱلرَّسُولِ ٱلْأُولَى إِلَى تِيمُوتَاوُسَ 6:21

خاطَر كايَن اللي دارو روحهُم عَندهُم هاد العَلم وبَعّدو على الإيمان. النَعمة مْعاكُم.

رِسَالَةُ يَهُوذَا 1:11

يا ويلهُم، خاطَر راحو في طْريق قايين، وسَلّمو روحهُم للضْياعة على جال الآجَر كيما بَلعام، وهَلكو بالعَصيان مْتاع قورَح.

رِسَالَةُ يَعْقُوبَ 3:14

بَصَّح وَلاّ كان عَندكُم الغيرة المُرّة، وعَندكُم المْعاندة في قْلوبكُم، ما تَحَّسبوش روحكُم وتَكَّدبو على الحَق،

رِسَالَةُ بُولُسَ ٱلرَّسُولِ ٱلتَّانِيةُ إِلَى تِيمُوتَاوُسَ 2:18

اللي بَعّدو على الحَق، وقالو باللي القِيامة قامَت وهَدّو الإيمان مْتاع شي ناس.

اَلرِّسَالَةُ إِلَى ٱلْعِبْرَانِيِّينَ 5:2

قادَر يَفهَم الجاهلين والضايعين، على جال اللي هُوَ بالدات ضْعيف،

رِسَالَةُ يَعْقُوبَ 1:16

ما تْضيعوش يا خاوتي الحْباب.

رِسَالَةُ يَعْقُوبَ 1:19

أعَّرفو يا خاوتي الحْباب باللي لازَم كُل واحَد فيكُم يْكون خْفيف باش يَسمَع، تْقيل فالهَدرة وما يَزعَفش بالخَف،