رِسَالَةُ يَعْقُوبَ 5:13 - العهد الجديد باللهجة الجزائرية

¹³ كايَن فيكُم واحَد راهو يَتعَدّب؟ يْصلّي. كايَن اللي راهو مْتسَجَّع بَزّاف؟ يْغَنّي التَرانيم؟

رِسَالَةُ يَعْقُوبَ 5:13 Referans Kwoze

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 5:19

كَلّمو بَعضكُم بمَزامير وأناشيد وتَرانيم روحِيّة، غَنّيو وحْتَفلو برَبّكُم،

اَلرِّسَالَةُ إِلَى ٱلْعِبْرَانِيِّينَ 5:7

هُوَ اللي، كي كان فالدات، صَلاّ وتْرَجّا اللي كان قادَر يْسَلكو من الموت بعْياط كْبير ودْموع، وسْتَجابلو على جال التَقوى مْتاعو،

رُؤْيَا يُوحَنَّا ٱللَّاهُوتِيِّ 14:3

وكانو يْغَنّيو كي شْغَل تَرنيمة جْديدة قُدّام العَرش وقُدّام الرَبع حَيّات والشْيوخة، وواحَد ما قْدَر يَتعَلَّم التَرنيمة من غير المْية ورَبعة ورَبعين ألَف اللي نَشراو من الأرض.

إِنْجِيلُ لُوقَا 22:44

وكان في شَدّة كْبيرة وبْدا يْصَلّي كْتَر وكْتَر، حَتّى وَلاّ العْرَق مْتاعو يْطيح كي حَجرات مْتاع الدَم على الأرض.

إِنْجِيلُ مَتَّى 26:30

وبَعدما رَنّمو، خَرجو لجْبَل الزيتون.

رُؤْيَا يُوحَنَّا ٱللَّاهُوتِيِّ 7:10

وكانو يْعَيّطو بالزور: "السْلاك من عَند إلَهنا القاعَد على العَرش ومن عَند الخْروف".

لرسالة الأولى إلى أهل كورنثوس 14:26

واش هِمّالا يا الخاوة؟ كي تَتلَمّو، واحَد عَندو مَزمور، واحَد عَندو دَرس، واحَد عَندو وَحي، واحَد عَندو لُغة، واحَد عَندو تَفسير، لازَم يْكون كُل شي للبَنيان.

إِنْجِيلُ لُوقَا 23:42

وقال: "يَسوع، أتفَكَّرني كي تْجي في مَلَكوتَك".

لرسالة الأولى إلى أهل كورنثوس 14:15

واش هِمّالا؟ نْصَلّي بالروح بَصَّح نْصَلّي بالعْقَل، نْرَنَّم بالروح ونْرَنَّم بالعْقَل.

رِسَالَةُ يَعْقُوبَ 5:10

أدّيو المْتَل يا الخاوة من عْداب وصْبَر الأنبيا اللي تْكَلّمو بآسَم الرَب.