رِسَالَةُ يَعْقُوبَ 1:12 - العهد الجديد باللهجة الجزائرية

¹² يا سَعد الإنسان اللي يَحمَل التَجرُبة، خاطَر بَعد ما يْكون مْجَوَّز، يْنال تاج الحْياة اللي وْعَد بيه الله اللي يْحَبّوه.

رِسَالَةُ يَعْقُوبَ 1:12 Referans Kwoze

رِسَالَةُ بُطْرُسَ ٱلرَّسُولِ ٱلْأُولَى 5:10

إلَه كُل نَعمة، اللي دْعاكُم لمَجدو الدايَم فالمَسيح، بَعدما تْعَدَّبتو شْوِيّة، هُوَ يْوَقَّفكُم ويْتَبَّتكُم ويْقَوّيكُم ويْمَكَّنكُم،

رُؤْيَا يُوحَنَّا ٱللَّاهُوتِيِّ 2:10

ما تْخافش واش رايَح تْقاصي. هاو إبليس رايَح يَرمي ناس منكُم فالحَبس باش تَتجَرّبو، وتْجوز عليكُم شَدّة مْتاع عَشر أيّام. كون تابَت حَتّى للموت ونَعطيلَك تاج الحْياة".

رِسَالَةُ يَعْقُوبَ 5:11

رانا نْقولو يا سَعد اللي صَبرو. سْمَعتو على صْبَر أيّوب وشَفتو قَصد الله، خاطَر الرَب رَحَّمتو كبيرة وهُوَ يَشفَق.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 8:28

رانا عارفين: الله يْسَيَّر كُل شي لخير اللي يْحَبّوه، اللي دْعاهُم على حْساب القَصد مْتاعو،

إِنْجِيلُ مَتَّى 10:22

تْكونو مَكروهين من الناس كامَل على جال آسمي، بَصَّح اللي يَبقا تابَت حَتّى للأَخَّر، هَداك يَسلَك.

لرسالة الأولى إلى أهل كورنثوس 9:25

اللاعَب اللي يَتنافَس، يَتدَرَّب باش يَتحَكَّم في نَفسو في كُل شي. هاد الشي باش يْنالو تاج فاني، بَصَّح حْنا تاجنا ما يَفناش.

رِسَالَةُ بُطْرُسَ ٱلرَّسُولِ ٱلْأُولَى 3:14

بَصَّح وَلاّ كان لازَم تَتعَدبو على جال الحَق، يا سَعدكُم. ما تْخافو منهُم وَلا تَتهَولو.

رِسَالَةُ بُولُسَ ٱلرَّسُولِ ٱلتَّانِيةُ إِلَى تِيمُوتَاوُسَ 4:8

مَن دُرك، تاج الصْلاح نْحَطّلي بجيهة، رايَح يَعطيهولي الرَب، القاضي العادَل، في داك اليوم، وماشي غير لِيَّ، بَصَّح تاني لكامَل اللي حَبّو يْشوفوه يَضهَر.

رِسَالَةُ يَعْقُوبَ 2:5

أسَّمعو يا خاوتي الحْباب، ماشي الله خَيَّر الڤْلالين مْتاع هاد الدَنيا وهومَ مْرَفّهين بالإيمان ووَراتا للمَلكوت اللي وْعَد بيه اللي يْحَبّوه؟

رِسَالَةُ بُطْرُسَ ٱلرَّسُولِ ٱلْأُولَى 5:4

وكي يْبان الراعي الكْبير، تْنالو تاج المَجد اللي ما يَفناش.

لرسالة الأولى إلى أهل كورنثوس 2:9

كيما يْقول الكْتاب: "اللي ما عين راتو، وَلا وْدَن سَمعاتو، وَلا جا في بال بْنادَم، هَداك اللي وَجّدو الله للّي يْحَبّوه."

رُؤْيَا يُوحَنَّا ٱللَّاهُوتِيِّ 3:21

اللي يَغلَب، نَعطيلو باش يُقعَد معايَ على عَرشي، كيما أنا غْلَبت وقْعَدت مع بابا على عَرشو".

رِسَالَةُ بُطْرُسَ ٱلرَّسُولِ ٱلْأُولَى 4:13

بَصَّح على قيس النْصيب اللي يْكون عَندكُم في عْداب المَسيح، أفَّرحو باش كي يْبان المَجد مْتاعو تْزيدو تَفَّرحو وتَسَّعدو.

لرسالة الأولى إلى أهل كورنثوس 8:3

بَصَّح اللي يْحَب الله، هَداك مَعروف من الله.

رُؤْيَا يُوحَنَّا ٱللَّاهُوتِيِّ 3:19

أنا كامَل اللي نْحَبّهُم نْلومهُم ونْعاقَبهُم، أتحَمَّس وتوب.

اَلرِّسَالَةُ إِلَى ٱلْعِبْرَانِيِّينَ 10:32

أَتفَكّرو اليامات الأولانِيّين، اللي بَعدما تْنَوَّرتو، قاصيتو فيهُم وْجاع حَرب كْبيرة.

اَلرِّسَالَةُ إِلَى ٱلْعِبْرَانِيِّينَ 6:15

وهَكدا كي صْبَر، نال الوَعد.

إِنْجِيلُ مَتَّى 25:34

داك الساع، يْقول السَلطان للي على اليْمنى مْتاعو: "أَرواحو يا المْباركين من عَند بابا، أَدّيو المَلَكوت اللي تْوَجَّدلكُم من اللي نْدارَت الدَنيا،

اَلرِّسَالَةُ إِلَى ٱلْعِبْرَانِيِّينَ 11:17

بالإيمان قَدَّم إبراهيم إسحاق وْليدو كي تْجَرَّب، قَدَّم هَداك اللي بيه كان الوَعد، وْليدو اللي ما يَسعا غير هُوَ،

رِسَالَةُ يُوحَنَّا ٱلرَّسُولِ ٱلْأُولَى 4:19

حْنا نْحَبّو خاطَر الله هُوَ حَبّنا الأولاني.

اَلرِّسَالَةُ إِلَى ٱلْعِبْرَانِيِّينَ 12:5

نْسيتو كيفاش سَجَّعكُم الله وكَلَّمكُم كي وْلادو: "يا وْليدي، ما تَستَهزاش بتَربية الرَب وما تَفشَلش كي يْلومَك،

إِنْجِيلُ لُوقَا 6:22

يا سَعدكُم كي يَكَّرهوكُم الناس وكي يْحاوزوكُم ويْعايروكُم ويَنَّكرو آسَمكُم كي اللي مَنعول على جال بْن الإنسان،

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 5:4

والصْبَر يْجيب التْبات فالتَجرُبة والتْبات فالتَجرُبة يْجيب الرْجا،

رِسَالَةُ بُولُسَ ٱلرَّسُولِ ٱلتَّانِيةُ إِلَى تِيمُوتَاوُسَ 2:15

دير مَجهودَك أنتَ بالدات باش تَوقَف قُدّام الله راجَل مْجَرَّب، خَدّام ما عَندوش باش يَحشَم، يْعَلَّم كَلمة الحَق تَعليم صْحيح.

رِسَالَةُ بُطْرُسَ ٱلرَّسُولِ ٱلْأُولَى 4:14

وَلّا عايروكُم على جال آسَم المَسيح، يا سَعدكُم، خاطَر روح المَجد والله نْحَط عليكُم.