أَعْمَالُ ٱلرُّسُلِ 4:21 - العهد الجديد باللهجة الجزائرية

²¹ وبَعد ما زادو حَلفو فيهُم، طَلقوهُم خاطَر ما لْقاوش سَبّة باش يْعاقبوهُم على جال الشَعب، خاطَر كانو كامَل يْعَضّمو فالله على اللي صْرا.

أَعْمَالُ ٱلرُّسُلِ 4:21 Referans Kwoze

أَعْمَالُ ٱلرُّسُلِ 5:26

داك الوَقت، راح رايَس العَسكَر مع الخَدّامين، وجابوهُم بلا ضَرب خاطَر خافو يْعود يَرجَمهُم الشَعب،

إِنْجِيلُ لُوقَا 22:2

وكانو رِيّاس رْجال الدين والكُتّاب يْحَوّسو كيفاش يَقَّتلو يَسوع بَصَّح كانو خايفين من الشَعب.

إِنْجِيلُ لُوقَا 20:19

ف هَديك الساعة، حَبّو الكُتّاب ورِيّاس رْجال الدين يَحَّكموه خاطَر عَرفو باللي المْتَل كان عليهُم بَصَّح خافو من الشَعب.

إِنْجِيلُ لُوقَا 20:6

ولو كان نْقولو من بْني آدَم، كامَل الشَعب يَرجَمنا خاطَر راهُم مَقتَنعين باللي يوحَنّا نَبي."

إِنْجِيلُ مَتَّى 21:46

وكانو يْحَوّسو يَحَّكموه بَصَّح خافو من الغاشي خاطَر كانو حاسبينو نَبي.

إِنْجِيلُ مَتَّى 9:8

كي شاف الغاشي هاد الشي، خافو وسَبّحو الله اللي عْطا قُدرة كيما هَدي للناس.

أَعْمَالُ ٱلرُّسُلِ 5:40

وعَيّطو للرُسُل، جَلدوهُم ومَنعوهُم يْزيدو يَهَّدرو بآسَم يَسوع وطَلقوهُم.

أَعْمَالُ ٱلرُّسُلِ 4:17

بَصَّح، باش هاد الشي ما يْزيدش يْشيع كْتَر عَند الشَعب، هَيّا نَحَّلفو فيهُم باش ما يْزيدو يَدُّكرو هاد الآسَم لحَتّى واحَد."

إِنْجِيلُ لُوقَا 13:17

كي هْدَر هَكدا، حَشمو كامَل اللي كانو ضَدّو، والغاشي كامَل فْرَح بالحاجات الكْبار اللي كان يْديرهُم.

إِنْجِيلُ لُوقَا 5:26

كامَل حارو وسَبّحو الله وخافو بَزّاف وقالو: "اليوم شَفنا عَجايَب".

إِنْجِيلُ مَتَّى 26:5

بَصَّح قالو: "ماشي فالعيد باش ما يَصراش الهول في وَسط الشَعب."

إِنْجِيلُ مَتَّى 15:31

حَتّى سْتَعجَب الغاشي بَزّاف وهومَ يْشوفو العْڤاڤنة يَهَّدرو، المَشلولين يَبراو، والكَعوانين يَمشيو مْسَڤَّم والعَميين يْشوفو وسَبّحو إلَه إِسرائيل.

إِنْجِيلُ مَتَّى 9:33

وكي خْرَج الشيطان من الأَطرش العَڤّون، هدَر وسْتَعجَب الغاشي وقال: "هاد الشي عَمرو ما نْشاف في إِسرائيل".

أَعْمَالُ ٱلرُّسُلِ 4:22

والراجَل اللي صارَت فيه المُعجِزة وبْرا، كان عَندو كْتَر من رَبعين سْنة.

أَعْمَالُ ٱلرُّسُلِ 5:13

وحَتّى واحَد من الأخرين ما كان يَقدَر يْخالَطهُم بَصَّح الشَعب كان يَستَعرَف بيهُم.