أَعْمَالُ ٱلرُّسُلِ 26:20 - العهد الجديد باللهجة الجزائرية

²⁰ بالعَكس، سْبَقت فاللي في دِمَشق وفي أورشَليم تاني أومبَعد في كامَل اليَهودِيّة وعَند اللي ماشي يْهود، بَرَّحتَلهُم باش يْتوبو ويَرَّجعو لله ويْديرو الفْعال اللي يْليقو بالتوبة.

أَعْمَالُ ٱلرُّسُلِ 26:20 Referans Kwoze

أَعْمَالُ ٱلرُّسُلِ 3:19

هِمّالا توبو وأَرَّجعو باش يَتَّمحاو دْنوبكُم،

إِنْجِيلُ مَتَّى 3:8

بَيّنو فْعال تْليق بالتوبة،

أَعْمَالُ ٱلرُّسُلِ 2:38

جاوَبهُم بُطرُس: "توبو وكُل واحَد فيكُم يَتعَمَّد بآسَم يَسوع المَسيح لغُفران دْنوبكُم وتْنالو هِبة الروح القُدّوس،

رُؤْيَا يُوحَنَّا ٱللَّاهُوتِيِّ 2:5

أشفا هِمّالا وين طُحت وتوب ودير فْعالَك الأولانِيّين، وَلاّ ماكاش، نْجي ليك، نْنَحّي الشَندال مْتاعك من مْكانو لو كان ما تْتوبش.

إِنْجِيلُ مَتَّى 9:13

روحو أَتعَلّمو المَعنى مْتاع "نَحَب الرَحمة ماشي الضْحِيّة"، خاطَر ما جيتش نْعَيَّط للصالحين، جيت نْعَيَّط للخاطيين."

رُؤْيَا يُوحَنَّا ٱللَّاهُوتِيِّ 3:3

أشفا هِمّالا كيفاش نَلت وسْمَعت وأحفَض وتوب. لوكان هِمّالا ما تْرَدش بالَك، نْجي كي السَرّاق وما تَعرَفش واش من الساعة نْجيك.

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 4:17

هاو واش نْقول ونَشهَد فالرَب: ما لازَمش تْزيدو تْعيشو كي الكُفّار، اللي يَمشيو على حْساب الباطَل مْتاع عْقولهُم،

2 ໂກຣິນໂທ 7:10

خاطَر الحْزَن على حْساب مُراد الله، يَدّي للتوبة اللي تْوَصَّل للسْلاك بلا نْدامة، بَصَّح الحْزَن مْتاع الدَنيا يَدّي للموت.

تسالونيكي الأولى 1:9

خاطَر هومَ يَحكيو علينا كيفاش قْبَلتونا وكيفاش رْجَعتو لله وبَعَّدتو على الصْنام باش تْكونو خُدّام الله الحَيّ والحَقّاني،

2 ໂກຣິນໂທ 3:16

بَصَّح كي نَستَرجعو للرَب يَتنَحّا الحْجاب.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 2:4

وَلاّ كي شَفت الله مْليح بَزّاف وخاطرو واسَع وكْريم، حْڤَرت هاد الشي وما عْرَفتش باللي مْلاحة الله لازَم تَدّيك للتوبة؟

أَعْمَالُ ٱلرُّسُلِ 26:17

نْسَلّكَك من هاد الشَعب ومن اللي ماشي يْهود اللي أنا رايَح نَبَّعتَك ليهُم،

أَعْمَالُ ٱلرُّسُلِ 20:21

وشْهَدت لليْهود واليونانِيّين بالتوبة لله والإيمان برَبنا يَسوع المَسيح.

أَعْمَالُ ٱلرُّسُلِ 17:30

دُرك، الله بْلا ما يْدير على زْمان الجْهَل، يامَر كامَل الناس في كُل مْكان باش يْتوبو،

أَعْمَالُ ٱلرُّسُلِ 15:19

وعلى هاد الشي، راني نْشوف باللي ما لازَمش نْديرو مَشاكَل للي يَرَّجعو لله من اللي ما كانوش يْهود،

أَعْمَالُ ٱلرُّسُلِ 11:18

كي سَمعو هاد الكْلام، سَكتو وعَضّمو الله وقالو: "هِمّالا الله وْهَب التوبة للي ماشي يْهود تاني باش تْكونَلهُم الحْياة".

أَعْمَالُ ٱلرُّسُلِ 9:35

شافوه كامَل اللي كانو يَسُّكنو في لَدّة وفي شارون وتابو للرَب.

أَعْمَالُ ٱلرُّسُلِ 9:15

قاللو الرَب: "روح، خاطَر هاد الراجَل خَيَّرتو لِيَّ باش يْوَصَّل آسمي عَند أُمّات وسْلاطَن وعَند بْني إسرائيل،

إِنْجِيلُ لُوقَا 15:10

وهَكدا نْقولَلكُم تْكون الفَرحة قُدّام مَلايكة الله كي يْتوب واحَد خاطي."

إِنْجِيلُ لُوقَا 15:7

نْقولَلكُم باللي هَكدا تْكون الفَرحة فالسْما على جال واحَد خاطي يْتوب كْتَر من اللي تْكون لتَسعة وتَسعين صالحين ما يَسَّحقوش التوبة.

إِنْجِيلُ لُوقَا 13:5

لالا نْقولَلكُم، بَصَّح لو كان ما تْتوبوش، رايحين تْموتو كامَل كيما هومَ."

إِنْجِيلُ لُوقَا 13:3

لالا نْقولَلكُم، لو كان ما تْتوبوش، رايحين تْموتو كامَل كيما هومَ،

إِنْجِيلُ لُوقَا 1:16

ويْرَجَّع بَزّاف من وْلاد إسرائيل للرَب إلَههُم،

إِنْجِيلُ مَرْقُسَ 6:12

وراحو يَبَرّحو باش الناس يْتوبو،

إِنْجِيلُ مَتَّى 4:17

من داك الوَقت، بْدا يَسوع يْبَرَّح ويْقول: "توبو خاطَر مَلَكوت السْما قَرَّب."

إِنْجِيلُ مَتَّى 3:2

ويْقول: "توبو، خاطَر قَرَّب مَلَكوت السْما"

رُؤْيَا يُوحَنَّا ٱللَّاهُوتِيِّ 16:11

وسَبّو إِلَه السْما على جال وْجاعهُم والقُرحات مْتاعهُم وما تابوش من فْعالَهُم.

رُؤْيَا يُوحَنَّا ٱللَّاهُوتِيِّ 2:21

عْطيتَلها الوَقت باش تْتوب وما حَبَّتش تْتوب من الزِنا مْتاعها.

أَعْمَالُ ٱلرُّسُلِ 26:19

على هَدا، يا سَلطان أغريباس، ما عْصيتش الرُؤيا السْماوِيّة،