أَعْمَالُ ٱلرُّسُلِ 14:15 - العهد الجديد باللهجة الجزائرية

¹⁵ ويْقولو: "يا رْجال، عْلاش راكُم تْديرو هاد الشي؟ حْنا تاني عْباد كيما أنتومَ، رانا نْبَشّرو فيكُم باش تْخَلّيو هاد الحْوايَج الباطلين وتَستَرجعو لله الحَيّ اللي خْلَق السْما والأَرض والبْحَر وكُل ما فيهُم،

أَعْمَالُ ٱلرُّسُلِ 14:15 Referans Kwoze

رِسَالَةُ يَعْقُوبَ 5:17

إيلِيّا كان بْنادَم يْحَس كيما حْنا، رْفَع صْلاة لله باش ما تْصَبش الشْتا وما صَبَّتش على الأرض مُدّة تَلت سْنين وسَت شْهور،

لرسالة الأولى إلى أهل كورنثوس 8:4

هِمّالا، على الشي اللي يْخَص ماكلة الدْبايَح اللي للأصنام، رانا عارفين باللي الصْنام ما كاش منهُم فالدَنيا، وما كايَن حَتّى إلَه من غير واحَد.

أَعْمَالُ ٱلرُّسُلِ 10:26

نَوّضو بُطرُس وقال: "نوض، أنا تاني بْنادَم".

رُؤْيَا يُوحَنَّا ٱللَّاهُوتِيِّ 14:7

ويْقول بالزور: "خافو الله وسَبّحوه، خاطَر جات ساعة المْحاسبة مْتاعو، وأسَّجدو قُدّام اللي دار السْما والأرض والبْحَر وعْناصَر الما".

تسالونيكي الأولى 1:9

خاطَر هومَ يَحكيو علينا كيفاش قْبَلتونا وكيفاش رْجَعتو لله وبَعَّدتو على الصْنام باش تْكونو خُدّام الله الحَيّ والحَقّاني،

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 4:17

هاو واش نْقول ونَشهَد فالرَب: ما لازَمش تْزيدو تْعيشو كي الكُفّار، اللي يَمشيو على حْساب الباطَل مْتاع عْقولهُم،

أَعْمَالُ ٱلرُّسُلِ 4:24

كي سَمعوهُم، رَفدو صوتهُم كامَل كيف كيف لله وقالو: "سيدنا، أنتَ هُوَ اللي دَرت السْما والأرض والبْحَر وكُل ما فيهُم،

إِنْجِيلُ مَتَّى 16:16

جاوَب سَمعان بُطرُس وقال: "أنتَ المَسيح بْن الله الحَيّ"،

اَلرِّسَالَةُ إِلَى ٱلْعِبْرَانِيِّينَ 3:12

رَدّو بالكُم يا الخاوة، عَمرو ما يْكون عَند واحَد فيكُم قَلب شَرّاني، بلا إيمان يْعود يْبَعَّد على الله الحَي.

رِسَالَةُ بُولُسَ ٱلرَّسُولِ ٱلْأُولَى إِلَى تِيمُوتَاوُسَ 3:15

بَصَّح وَلاّ بْطيت، تَعرَف كيفاش تْسير في بيت الله، اللي هِيَ كَنيسة الله الحَي، العَرصة وَالرْكيزة مْتاع الحَق.

أَعْمَالُ ٱلرُّسُلِ 14:21

وبَعد ما بَشّرو في هَديك المْدينة، ورَدّو ناس بَزّاف تابعين، وَلاّو للِسترة وإيقونِيّة وأَنطاكِية،

إِنْجِيلُ يُوحَنَّا 7:18

اللي يَهدَر من عَندو، يْحَوَّس على المَجد مْتاعو، بَصَّح اللي يْحَوَّس على المَجد مْتاع اللي بَعتو، هَداك حَقّاني وما فيهش الدْغُل.

رُؤْيَا يُوحَنَّا ٱللَّاهُوتِيِّ 22:9

وقاللي: "رَد بالَك تْدير هَكدا، أنا عَبد كيما أنتَ وخاوتَك الأَنبيا واللي يَحَّفضو كْلام هاد الكْتاب، أَسجَد قُدّام الله".

رُؤْيَا يُوحَنَّا ٱللَّاهُوتِيِّ 19:19

وشَفت الهايشة وسْلاطَن الأرض وجْيوشهُم مَتلَمّين باش يْديرو الحَرب ضَد اللي قاعَد على العود وضَد الجيش تعو.

رُؤْيَا يُوحَنَّا ٱللَّاهُوتِيِّ 19:10

وطُحت قُدّام رَجليه باش نَسجَدلو، وقاللي: "بَلاك، أنا عَبد كيما أنتَ وخاوتَك اللي عَندهُم شْهادة يَسوع، أَسجَد قُدّام الله، خاطَر شْهادة يَسوع هِيَ روح النُبُوّة".

أَعْمَالُ ٱلرُّسُلِ 27:25

على هَدا، أتسَجّعو يا رْجال، خاطَر نامَن بالله باللي يْكون الشي كيما تْقاللي،

أَعْمَالُ ٱلرُّسُلِ 27:21

كُنّا ما كْليناش من مُدّة، هِمّالا وْقَف بولَس في وَسطهُم وقال: "يا رْجال، كان لازَم تَسَّمعوني وما تْروحوش من كْريت، باش تَسَّلكو من هاد الضَر والخْسارة،

أَعْمَالُ ٱلرُّسُلِ 27:10

وقالَلهُم: "يا رْجال، راني نْشوف باللي هاد السْفَر ما راهوش رايَح يْجوز بْلا ما يْضَر ويْجيب خْسارة كْبيرة ماشي غير للسَلعة والبابور، بَصَّح لحْياتنا حْنا تاني"،

أَعْمَالُ ٱلرُّسُلِ 16:30

وخَرَّجهُم وقال: "يا سْيادي، واش لازَم نْدير باش نَسلَك؟"

أَعْمَالُ ٱلرُّسُلِ 14:7

وكانو يْبَشّرو تَمّة.

أَعْمَالُ ٱلرُّسُلِ 13:32

حْنا نْبَشّروكُم بالوَعد اللي نْدار لجْدودنا،

أَعْمَالُ ٱلرُّسُلِ 7:26

فاليوم اللي من بَعد، زاد راح عَند خاوتو ولْقا زوج مَنهُم يَتضاربو، حَب يَصلَح بيناتهُم وقال: "يا رْجال، ياخي أنتومَ خاوة، عْلاش تَضَّلمو بَعضكُم بَعض؟"

إِنْجِيلُ يُوحَنَّا 5:26

خاطَر كيما الآب عَندو الحْياة فيه، هَكدا تاني عْطا للإبن باش تْكون عَندو الحْياة فيه،

رُؤْيَا يُوحَنَّا ٱللَّاهُوتِيِّ 4:11

تَستاهَل يا رَبّنا وإلَهنا تاخُد المَجد، الكَرامة، والقُدرة خاطَر خْلَقت كُل شي وبمُرادَك كانو ونْخَلقو.