رِسَالَةُ يُوحَنَّا ٱلرَّسُولِ ٱلْأُولَى 2:14 - العهد الجديد باللهجة الجزائرية

¹⁴ كْتَبتَلكُم يا وْلادي خاطَر عْرَفتو الآب، كْتَبتَلكُم يا البابات خاطَر عْرَفتوه من البَدية، كْتَبتَلكم يا المْصاغَر خاطَر أنتومَ قْوِيّين وكَلمة الله باقية فيكُم وغْلَبتو الدوني.

رِسَالَةُ يُوحَنَّا ٱلرَّسُولِ ٱلْأُولَى 2:14 Referans Kwoze

رِسَالَةُ يُوحَنَّا ٱلرَّسُولِ ٱلْأُولَى 2:13

نَكتَبَّلكُم يا البابات خاطَر عْرَفتوه من البَدية، نَكتَبَّلكُم يا المْصاغَر خاطَر غْلَبتو الدوني.

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 3:16

كْلام المَسيح، لازَم يَسكُن فيكُم بغْناه. أتعَلّمو ونَبّهو بَعضكُم بَعض بالعْقَل، بمَزامير أناشيد وتَرانيم روحِيّة. فالنَعمة، غَنّيو لله من قْلوبكُم،

إِنْجِيلُ يُوحَنَّا 15:7

لوكان تَبقاو فِيَّ ويَبقا كْلامي فيكُم، واش تْحَبّو أطَّلبو ويْكون ليكُم.

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 6:10

الحَصون، أتقَوّاو فالرَب وفي قُوّة القُدرة مْتاعو،

إِنْجِيلُ يُوحَنَّا 8:31

قال يَسوع لليْهود اللي آمنو بيه: "لوكان تَبقاو في كْلامي، تْكونو صَح التابعين مْتاعي،

إِنْجِيلُ يُوحَنَّا 5:38

وما عَندكُمش الكَلمة مْتاعو تابتة فيكُم، خاطَر ما تامنوش اللي بَعتو هُوَ.

رُؤْيَا يُوحَنَّا ٱللَّاهُوتِيِّ 2:7

اللي عَندو وْدَن، غير يَسمَع واش يْقول الروح للكْنايَس. اللي يَغلَب، نَعطيلو ياكُل من سَجرة الحْياة اللي راهي في جَنّة الله".

رِسَالَةُ يُوحَنَّا ٱلرَّسُولِ ٱلتَّالِتَةُ 1:3

فْرَحت بَزّاف كي لَحقو الخاوة وشَهدو بالحَق اللي فيك، وبالحَق اللي أنتَ تَمشي فيه،

رِسَالَةُ يُوحَنَّا ٱلرَّسُولِ ٱلتَّانِيَةُ 1:2

على جال الحَق الباقي فينا، ورايَح يْكون معانا للدْوام.

اَلرِّسَالَةُ إِلَى ٱلْعِبْرَانِيِّينَ 8:10

خاطَر بهاد العَهد اللي نَقَّطعو مع بَني إسرائيل بَعد هاد اليامات، يْقول الرَب، نْحَط شْرايعي في عْقَلهُم، ونَكتَبهُم في قْلوبهُم، ونْكون إِلَههُم، ويْكونو شَعبي،

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 1:11

بكُل قُوّة وتْوَليو قادرين على كُل شي على حْساب قُوة مَجدو للتْبات والصْبَر مع الفَرح،

رِسَالَةُ بُولُسَ ٱلرَّسُولِ ٱلتَّانِيةُ إِلَى تِيمُوتَاوُسَ 2:1

أَنتَ هِمّالا يا وْليدي، أَتقَوّا فالنَعمة اللي فالمَسيح يَسوع،

رِسَالَةُ بُولُسَ ٱلرَّسُولِ إِلَى أَهْلِ فِيلِبِّي 4:13

نَقدَر على كُل شي بالله اللي يْقَوّيني.

رُؤْيَا يُوحَنَّا ٱللَّاهُوتِيِّ 2:3

عَندَك الصْبَر، حْمَلت على جال آسمي وما عْييتش.

رِسَالَةُ يُوحَنَّا ٱلرَّسُولِ ٱلْأُولَى 1:10

لوكان نْقولو باللي ما دَرناش الدَنب، نْرَدّوه كَدّاب وكَلمتو ما راهيش فينا.

إِنْجِيلُ يُوحَنَّا 8:37

راني عارَف باللي أنتومَ وْلاد إبراهيم، بَصَّح حَبّيتو تَقُّتلوني خاطَر كْلامي ما لْقاش مْكان فيكُم،

رِسَالَةُ يُوحَنَّا ٱلرَّسُولِ ٱلْأُولَى 1:1

اللي كان من البَدية، اللي سْمَعناه، اللي شَفناه بعينينا، اللي ريناه ومَسّيناه بيَدّينا في آمَر كَلمة الحْياة،