Jonáa 3:10 - Jonáa

¹⁰ Kamí Anulúꞌ Mekhuíí ndiꞌyoo ndíi xuꞌkhuíin nini̱ xa̱bu̱, ni̱ni̱ña̱a̱nꞌ ndíi mixkawiꞌ khúwá runi̱. A̱ꞌkhui̱nꞌ nitaŋga̱a̱laꞌ a̱jkiu̱u̱n khaꞌñúún, nitháꞌnigámbe̱e̱n xóo niꞌthén ndíi ma̱ꞌni.

Jonáa 3:10 Referans Kwoze

Jonáa 4:2

A̱ꞌkhui̱nꞌ niꞌthánminaꞌ ga̱jma̱a̱ Anulúꞌ Mekhuíí, xígi̱ niꞌthúun: ―ꞋÁlá Anuꞌ Mekhuíí, lá ra̱ꞌkháaꞌ rígi̱ ñejuunꞌ ndíi ni̱tha̱a̱nꞌ nákhí xóó xtáá náa xojñuꞌ róꞌ. Ikhaa jŋgóoꞌ ikhúún ni̱ga̱yuꞌ ma̱ꞌgá náa Társí. Numuu ndíi nda̱yo̱o̱ ndíi ikháán ñejuaanꞌ mbáa Ana̱ Mekhuíí wi̱ mba̱a̱ a̱jkiu̱u̱n, méjáánꞌ xa̱bu̱ nindxaaꞌ, mba̱yu̱u̱ꞌ ndíi ma̱khiꞌnáá, majpú nagawíinꞌ a̱jkia̱a̱nꞌ, kamí nataŋga̱a̱ a̱jkia̱a̱nꞌ ndíi xátha̱ni̱ ndíi mixkawiꞌ.

Jonáa 4:11

Lá xágawíinꞌ a̱jkiu̱nꞌ ikhúún ga̱jma̱a̱ numúún xa̱bu̱ nínibe̱ róꞌ. Mbá xojin ndíi ra̱ꞌkháaꞌ muu tháán mba̱a̱, kamí ikhí khúwe̱e̱n mbá siéntú i̱mba̱muskíñúꞌ míi xa̱bu̱ (120,000), wi̱ na̱ŋguá eyáá náá ndíi méjánꞌ kamí náá ndíi ra̱méjánꞌ. Ra̱ꞌkháaꞌ muu tháán xu̱jkúꞌ khúwe̱e̱n maŋgeen ―niꞌthén Anulúꞌ Mekhuíí.