Jonashi 4:9 - JONASHI

⁹ Kantankicha Tasorintsi ikantiri: «¿Pineakero viro okametitimotakempi pikisanakara pikañotakerora maika pineakerora oshigirikapitsatanakempira shivitsa pamatsaniro?» Inianake Jonashi ikanti: «¡Jeje, noneakeroniroro kametitake nonkisakotakemparora! ¡Nokogantakarira maika nonkamakera pairotari nokisaka!»

Jonashi 4:9 Referans Kwoze

Jonashi 4:1

Yogari Jonashi ineakera tera intsatagero Tasorintsi ikantavetakarira inkisashiigakemparimera Ninivekunirira impogereaigakerira, irirori ineakero tera onkametitimoteri ovashi ikisanaka.

Jonashi 4:8

Impo iporeanakera poreatsiri ariokya ikantake Tasorintsi ontampiatakera omponiakempara ikontetira poreatsiri onkatsirinkaenkatanakera. Yogari poreatsiri kantinkasanotari ikatinkatagutakeri igitoku Jonashi nerotyo oga ikenake itaganakerira, ovashi ineavaka panikya intuanake inkamakera. Iniavagetanake ikanti: «¡Pairo okametitake nonkamakera avisakero nontimaera!»

Jonashi 4:10

Impo Tasorintsi ikantiri: «Pine maika tera viro pankivetemparone oga shivitsa pamatsaniro, aikiro tera viro gishivokerone; onti tsikyata oshivokanake irorori, impo okutagitevetanaka pa shigirikake, kantankicha viro pitsarogakagakarotyo pineaketari iroro pomanpegantaka.