San Marcos 9:20 - San Marcos Mixteco de Coicoyán de las Flores

²⁰ Ra ki̱xa̱a̱ míí ra̱ loꞌo ikán xíꞌin‑na̱ nu̱ú Jesús, ra tá xi̱ni ta̱chí u̱ꞌvi̱ ikán Jesús, sa̱kisi niꞌni‑ña̱‑ra̱, ra ku̱un‑ña̱‑ra̱ nu̱ú ñuꞌú, ra ki̱xáá kána ñu̱ñu̱ yuꞌú‑ra̱.

San Marcos 9:20 Referans Kwoze

San Marcos 1:26

Ta míí ta̱chí u̱ꞌvi̱ ikán nteé nta̱kisi‑ña̱ míí ra̱ tia̱a ikán, ra nteé ni̱nta̱ꞌyu̱‑ña̱ ka̱na‑ña̱ ini‑ra̱.

San Marcos 9:26

Ta ni̱nta̱ꞌyu̱‑ña̱, ra ni̱ꞌi sa̱kisi‑ña̱‑ra̱, ta ka̱na‑ña̱ ini‑ra̱. Ra ki̱nto̱o‑ra̱ tá ku̱va iin ntii, ña̱ ikán kua̱ꞌá‑na̱ ka̱chi ña̱ ni̱xi̱ꞌi̱‑ra̱.

San Marcos 9:18

Tá kíxáá‑ña̱ xíꞌin‑ra̱ sántakava‑ña̱‑ra̱ nu̱ú ñuꞌú, kána ñu̱ñu̱ yuꞌú‑ra̱, ntákaxí nu̱ꞌu‑ra̱, ra kúú itún‑ra̱. Ni̱ka̱ꞌa̱n‑i̱ xíꞌin na̱ sákuaꞌa nu̱ú‑ún ña̱ ná tavá‑na̱ ta̱chí u̱ꞌvi̱ ini‑ra̱, suu köníkuchiñu‑na̱.

San Marcos 9:19

Ra nta̱kuiin Jesús, káchi‑Ña̱ saá xíꞌin‑na̱: ―¡Ntóꞌo̱ na̱ yuví kökántíxa! ¿Na̱xa ka ví tiémpo koo‑i̱ xíꞌin‑ntó ná kunta̱a̱ ini‑ntó? Chi kökúntéé ka ini‑i̱ xíꞌin‑ntó ña̱ kökántíxa‑ntó yu̱ꞌu̱. Ná kixi ra̱ loꞌo xíꞌin‑ntó nu̱ú‑i̱.

San Marcos 9:21

Ra nta̱ka̱túꞌun Jesús táta‑ra̱: ―¿Na̱xa tiémpo xa̱ níꞌi‑ña̱‑ra̱? Ra ka̱chi‑ra̱: ―Nta̱a̱ loꞌo ví‑ra̱.