San Marcos 14:22 - San Marcos Mixteco de Coicoyán de las Flores

²² Nani xíxi‑na̱, ti̱in Jesús xi̱tá va̱ꞌa, ta nta̱kua̱ꞌa‑Ña̱ tixa̱ꞌvi Ntióxi̱, tá nti̱ꞌi nta̱ta̱ꞌví‑Ña̱‑ña̱, ra ta̱xi‑Ña̱‑ña̱ ntaꞌá‑na̱, ta káchi‑Ña̱ saá: ―Tiin‑ntó xi̱tá va̱ꞌa yóꞌo; ña̱ yóꞌo kúú ikí ku̱ñu̱‑i̱.

San Marcos 14:22 Referans Kwoze

San Marcos 14:24

Ta ka̱chi‑Ña̱ xíꞌin‑na̱: ―Tiá yóꞌo kúú ni̱í‑i̱, ta xíꞌin rá yóꞌo kínto̱o Ntióxi̱ iin tu̱ꞌun xíꞌin‑ntó, ta rá yóꞌo kúú rá kui̱tia̱ xa̱ꞌá kua̱ꞌá na̱ yuví.

San Marcos 6:41

Ta ti̱in‑Ña̱ u̱ꞌu̱n xi̱tá va̱ꞌa xíꞌin u̱vi̱ tia̱ka, ta nta̱niꞌi‑Ña̱ nu̱ú‑Ña̱ chí ntiví, ta nta̱kua̱ꞌa‑Ña̱ tixa̱ꞌvi Ntióxi̱, ta nta̱ta̱ꞌví‑Ña̱ míí xi̱tá va̱ꞌa ikán, ta ta̱xi‑Ña̱‑ña̱ ntaꞌá na̱ sákuaꞌa nu̱ú‑Ña̱ ná ntata̱ꞌví‑na̱‑ña̱ xíꞌin na̱ yuví. Ta nta̱ta̱ꞌví‑Ña̱ u̱vi̱ tia̱ka xíꞌin ntikuíi‑na̱.

San Marcos 10:16

Ra nta̱numi‑Ña̱ míí na̱ válí, ra chi̱núú‑Ña̱ ntaꞌá‑Ña̱ sa̱tá‑na̱, ra ntu̱kún‑Ña̱ ña̱ va̱ꞌa nu̱ú Ntióxi̱ xa̱ꞌá‑na̱.

San Marcos 14:21

Suu míí ña̱ nta̱a̱, Ña̱ ntu̱u Se̱ꞌe Na̱ Yuví ntoꞌo‑Ña̱ tá ku̱va tia̱a‑na̱ xa̱ꞌá‑Ña̱; suu ¡ntáꞌvi ra̱ tia̱a, tia̱ ntaxǐko ñaꞌá! Va̱ꞌa ka kee míí ra̱ tia̱a ikán átu níkäku‑ra̱.

San Marcos 14:23

Tá nti̱ꞌi, ti̱in‑Ña̱ iin kópa víno, ra tá nti̱ꞌi ña̱ ta̱xi‑Ña̱ tixa̱ꞌvi Ntióxi̱, ta̱xi‑Ña̱‑rá ntaꞌá‑na̱, ta ntikuíi‑na̱ xi̱ꞌi‑rá.