San Marcos 10:1 - San Marcos Mixteco de Coicoyán de las Flores

¹ Tá nti̱ꞌi, ra ka̱na‑Ña̱ ñuu ikán, ra nta̱kiꞌin‑Ña̱ kua̱ꞌa̱n‑Ña̱ chí Judea xíꞌin chí iinka xiyo itia Jordán. Ra tuku nta̱taka na̱ yuví nu̱ú‑Ña̱, ra ki̱xáá‑Ña̱ sána̱ꞌa̱‑Ña̱ nu̱ú‑na̱ tá ku̱va kíxa va‑Ña̱.

San Marcos 10:1 Referans Kwoze

San Marcos 4:2

Ra xíꞌin tu̱ꞌun ña̱ táxi ku̱va ki̱xáá‑Ña̱ sána̱ꞌa̱‑Ña̱ kua̱ꞌá ña̱ꞌa nu̱ú‑na̱, ra ka̱chi‑Ña̱ saá:

San Marcos 6:34

Tá ka̱na‑Ña̱ ini várko xi̱ni‑Ña̱ kua̱ꞌá na̱ yuví, ta ku̱ntáꞌvi ini‑Ña̱‑na̱, chi ku̱va ntikachi rí köo xitoꞌo kúú‑na̱, ta ki̱xáá‑Ña̱ sána̱ꞌa̱‑Ña̱ kua̱ꞌá ña̱ꞌa nu̱ú‑na̱.

San Marcos 6:6

Ta nta̱kutúꞌun ini‑Ña̱ xíꞌin‑na̱, chi köníkantíxa‑na̱‑Ña̱. Ta xi̱ka‑Ña̱ ñuu válí yachin ikán nta̱kani‑Ña̱.

San Marcos 2:13

Ra tá nti̱ꞌi, nti̱kó tuku Jesús kua̱ꞌa̱n‑Ña̱ chí yuꞌú már, ta ku̱yachin ntikuíi na̱ yuví nu̱ú‑Ña̱, ra sa̱na̱ꞌa̱‑Ña̱‑na̱.

San Marcos 1:21

Jesús xíꞌin na̱ sákuaꞌa nu̱ú‑Ña̱ ni̱xa̱a̱‑na̱ ñuu Capernaúm. Ta tá ni̱xa̱a̱ ki̱í sáto̱, ki̱í ntákiꞌin nteé, saá ni̱ki̱ꞌvi‑Ña̱ ini veꞌe ñu̱ꞌu nu̱ú ntákiꞌin táꞌan na̱ ñuu, ta ki̱xáá‑Ña̱ sána̱ꞌa̱‑Ña̱‑na̱.

San Marcos 6:2

Tá ni̱xa̱a̱ ki̱í sáto̱, ki̱xáá‑Ña̱ sána̱ꞌa̱‑Ña̱ ini veꞌe ñu̱ꞌu nu̱ú ntákiꞌin táꞌan na̱ ñuu; ta kua̱ꞌá na̱ xi̱ni so̱ꞌo nta̱kutúꞌun ini‑na̱, ra ka̱chi‑na̱ saá: ―¿Ntáa chí kíꞌin‑ra̱ ña̱ sána̱ꞌa̱‑ra̱? ¿Ntáa va̱xi tu̱ꞌun ntíchi káꞌa̱n‑ra̱ xíꞌin ña̱ xítúꞌun kíxa‑ra̱?

San Marcos 10:2

Ta ku̱yachin tu ntiáꞌvi na̱ fariséo va, ña̱ ná kotontosó‑na̱ Jesús. Ra ni̱nta̱ka̱túꞌun‑na̱‑Ña̱, á va̱ꞌa káa‑ña̱ ña̱ ná ntakoo iin tia̱a ñá síꞌi‑ra̱.

San Marcos 12:35

Ta sána̱ꞌa̱ Jesús ini nu̱ú íyo Veꞌe Ñu̱ꞌu Káꞌnu, ta káchi‑Ña̱ saá: ―¿Á kúnta̱a̱ ini‑ntó na kúú‑ña̱ kúni̱ kachi na̱ sána̱ꞌa̱ léy Ntióxi̱ ña̱ nta̱koo Moisés xa̱ꞌá Cristo, Ña̱ tachíñu Ntióxi̱ kixi sáka̱ku na̱ yuví, tá káꞌa̱n‑na̱ ña̱ se̱ꞌe David kúú‑Ña̱?

San Marcos 14:49

Yu̱ꞌu̱, ra, ntiꞌi saá ki̱í ni̱xi̱yo‑i̱ ini nu̱ú íyo Veꞌe Ñu̱ꞌu Káꞌnu sa̱na̱ꞌa̱‑i̱ nu̱ú‑ntó, ta könítiin‑ntó yu̱ꞌu̱. Suu ntúxá ya̱ꞌa ña̱ yóꞌo ná xi̱nu Tu̱ꞌun Ntióxi̱.