Yuuda 1:20 - Indagano Inyaaya mu-Chijita

²⁰ Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

INDAGANO INYA:YA

²⁰ Nawe emwe abendwa, mwiyu-mbake mu kwikirisya kwemwe okweru muno, nimu-sabwa mu Mwoyo Mweru.

Yuuda 1:20 Referans Kwoze

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

1 Bakorinto 14:15

Woori neenderwe nikore ki? Enija okusabhwa mu‑mwoyo mu‑nyaayika ingenyi, ka wone enija okusabhwa mu‑bhwengeeso, enija okwimba mu‑mwoyo mu‑nyaayika ingenyi, ka wone enija okwimba mu‑bhwengeeso.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Batesalonika 5:11

Mbe, mugenderere okusimbiisyanya na okukomeesyanya emwe abheene kwa abheene, ka wone omusango ogwo nigwo omukora noorwo woori.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

Baefeso 4:29

Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Baefeso 4:16

Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

1 Yoana 5:4

kwa okubha bhuri mwana wa Nyamuwanga ari na obhuturo bhwa okuyiga ebhibhiibhi. Mbe, echiyiga ebhibhiibhi kwa okwikirisya Yeesu.

Yakobo 2:22

Utakurora ati, eriikirisya rya Bhurayimu, ryariga niriruubhana aamwi na ebhikorwa bhyaye. Eriikirisya ryaye ryakumisiibhwe mu‑bhikorwa bhyaye.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

1 Bakorinto 10:23

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone ejisakira eriikirisya ryeswe rirumatane.

Barumi 15:2

Bhuri umwi weeswe, eekomeesye okukora emisango ja okukondisya omwikirisya oweejaabho, korereki weejaasu oyo, abhone omuriiro na arumatane mu‑riikirisya.

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

2 Timoteo 1:5

Ka wone, eniichuka eriikirisya ryawo rya echimari. Eriikirisya eryo, aariga ari naryo kaka waanyu Royisi na nyakomwana Yewuniki. Woori, niri na obhwiyikanyo ati awe wone uri naryo.

1 Timoteo 1:4

Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

Obhusweruro 13:10

Omuunu unu ꞉aakarariiywe okusirwa mu‑bhugaya, arisirwa mu‑bhugaya. Omuunu unu ꞉aakarariiywe okwitwa kwa imbanda, ariitwa kwa imbanda. Woori abheeru bha Nyamuwanga, abhakenwa bheegumiirisye mu‑riikirisya.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.