Yowana 9:39 - Indagano Inyaaya mu-Chijita

³⁹ Mbe, Yeesu ˆnaayika ati, “Anye ꞉neejire ku‑chaaro anu okuramura, korereki abhawofu bharore, na bhanu abharora, bhabhe abhawofu.”

INDAGANO INYA:YA

³⁹ Yesu na:ika ati, Okuramura nikwo kwande:tere mu ca:ro munu, korereki banu batakurora barore, na banu abarora baofure.

Yowana 9:39 Referans Kwoze

Yowana 3:19

Isonga ya okuramurwa kwebhwe ni ati, obhweru bhwijire ku‑chaaro kunu, nawe abhaanu bheendere okubha mu‑chisuute okukira okubha mu‑bhweru, kwa okubha ebhikorwa bhyebhwe ni bhijabhi.

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

1 Yoana 2:11

Nawe omuunu unu kaasoka oweejaabho, ari mu‑chisuute. Kaaribhata mu‑chisuute, atakumenya anu kaaja, kwa okubha, ebhibhiibhi bhimukorere okubha rwa omuwofu.

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Ruuka 1:79

ka wone bhumurikire abhaanu bhoone bhanu bheekaaye mu‑chisuute, na mw‑irengesi rya orufu. Arichitangasya okutura ku‑njira ya omurembe.”

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

2 Bakorinto 2:16

Ku‑bhaanu bhanu abhabhura, orurango orwo ni rubhiibhi, orureeta orufu. Nawe ku‑bhaanu bhanu abhachungurwa, orurango orwo ni rwa kisi, orureeta obhuwanga. Woori, niga unu kaatura okukora emirimu ejo?

Yowana 9:25

Omwene ˆnaabhasubhya ati, “Anye nitakumenya araabha omuunu oyo ni mukosi wa ebhibhiibhi, nawe nimenyere omusango gumwi era. Naariga niri muwofu, nawe woori enirora.”

Yowana 8:15

Emwe omundamura okuruubhana na obhwiganirisya bhwa echinyamuunu, nawe anye nitakuramura omuunu woonewoone.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Ruuka 13:30

“Mutegeresye! Abhaanu bhanu bhasingiriiye woori, bharitangata. Ka wone, abhaanu bhanu bhatangatire woori, bharisingirira.”

Ruuka 7:21

Ku‑mwanya ogwoogwo, Yeesu aariga ˆnaawosya abhaanu bhaafu amarwara geebhwe. Aariga ˆnaawosya abhaanu bhanu bhaariga bhawungirwe na amasambwa. Ka wone ˆnaayaana abhawofu bhaafu obhuturo bhwa okurora.

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 6:23

Nawe, araabha ameeso gaawo ni marwaye, omubhiri gwawo gwone ogubha na echisuute. Mbe, araabha obhweru bhunu bhuri mu‑mwoyo gwawo bhukayinduka okubha echisuute, echibha echisuute chaafu muno!

2 Batesalonika 2:10

Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

Matayo 15:14

Mubhasige, abho ni bhatangasya abhawofu bhanu abhatangasya abhawofu! Araabha omuwofu akatangasya omuwofu oweejaabho, bhoone ku‑bhubhiri bhwebhwe bharigwa mu‑ryobho.”

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.