Yowana 9:29 - Indagano Inyaaya mu-Chijita

²⁹ Eswe chimenyere ati Nyamuwanga ꞉aayikire na Muusa, nawe chitakumenya ati omuunu oyo asookere aaki.”

INDAGANO INYA:YA

²⁹ Eswe cimenyere ati, Nyamuanga a:ikire na Musa, nawe omu:nu uyo citakumenya eyo aso:kere.

Yowana 9:29 Referans Kwoze

Yowana 8:14

Yeesu ˆnaabhasubhya ati, “Noorwo araabha eniisoosisya obhubhambaasi omwene, obhubhambaasi bhwani ni bhwa echimari. Anye nimenyere enu nisookere, ka wone nimenyere enu enija. Nawe emwe mutakumenya enu nisookere noorwo enu enija.

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Ebikorwa 22:22

Abhaanu abho bhaariga nibhategeresya Pawuro kisi. Nawe omwanya gunu ꞉aayikire emisango ejo, abhaanu nibhaamba okumwaya nibhaayikaga ati, “Eetwe, Eetwe! Omuunu rwa unu ateeyire okusigara‑mo omwoyo!”

Ebikorwa 7:35

Tefwano ˆnaagenderera okwayika ati, “Muusa oyo, niwe abhaanu Miisiri eyo ꞉bhaaremere nibhamubhwiraga ati, ‘Niga unu akuteeye‑wo ubhe omutungi weeswe na omuramusi weeswe?’ Niwe Muusa unu Nyamuwanga ꞉aamutumire abhe omutungi weebhwe na omwerusi weebhwe, ku‑njira ya maraayika unu ꞉aamusoromokeeye mu‑chisaka echo!

Yowana 9:24

Mbe, abhatangasya bha Abhayawudi nibhabhirikira rindi omuunu unu aariga eebhuuywe ari muwofu, nibhamubhwira ati, “Nuurayire ku‑Nyamuwanga ati, owaayika echimari! Eswe chimenyere ati, omuunu unu ꞉aakuwosiisye, ni mukosi wa ebhibhiibhi.”

Yowana 9:16

Niwo Abhafarisaayo abharebhe nibhaayika ati, “Omuunu unu akorere kutyo, atasookere ku‑Nyamuwanga, kwa okubha kaanyamura echiraagiro cha orusuku rwa Isabhaato.” Nawe abhandi nibhaayika ati, “Omukosi wa ebhibhiibhi kaatura kutiki okukora ebhibharikisyo rwa ebhyo?” Kurwa ejo, nibhataasyanya mu‑bhwiganirisya bhwebhwe.

Yowana 7:27

Omuunu unu atakutura okubha Kirisito, kwa okubha eswe chimenyere anu asookere. Nawe Kirisito omwene aribha aaja, atari‑wo omuunu unu arimenya enu asookere.”

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Ruuka 23:2

Nibhaamba okumusitaaka nibhaayikaga ati, “Chaasongʼana omuunu unu ˆnaayabhyaga abhaanu bha riyanga ryeswe, ˆnaabhagaanyaga bhasige okutobha rigooti ku‑Kayisaari. Ka wone keetoga ati, omwene niwe Kirisito omukama.”

Matayo 26:61

nibhaayika ati, “Omuunu unu ꞉aayikire ati, ‘Enitura okufumya Riyekaru rya Nyamuwanga na okuryumbaka rindi mu‑siku esatu.’”

Matayo 12:24

Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Yowana 7:28

Omwanya gunu Yeesu eeyigisyaga mu‑rubhuga rwa Riyekaru, ˆnaamura obhuraka ˆnaayika ati, “Chimari mummenyere, na mumenyere anu nisookere. Anye ꞉niteejire ku‑bhuturo bhwani, tari nitumirwe na Nyamuwanga wa echimari. Oyo, emwe mutakumumenya.

Yowana 9:30

Omwene ˆnaabhasubhya ati, “Anye enibharuguura muno! Emwe mutakumenya anu asookere, nawe omwene niwe aamosya ameeso gaani!

Baeburania 1:1

Kara awo, Nyamuwanga ꞉aayikire na bhasaaja weeswe kaafu na ku‑njira nyafu, okutura ku‑bharagi.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.