Yowana 8:48 - Indagano Inyaaya mu-Chijita

⁴⁸ Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

INDAGANO INYA:YA

⁴⁸ Abayaudi nibaindura nibamubwira ati, ?Eswe citakwaika kisi ati, Awe uri Musamaria, na ka uri no musambwa?

Yowana 8:48 Referans Kwoze

Yowana 7:20

Abhaanu abho nibhamusubhya ati, “Awe uri na risambwa! Niga unu keenda okukwita?”

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Yowana 10:20

Abhaanu bhaafu mu‑bheene, nibhaayika ati, “Unu ari na risambwa! Ka wone ni musasi! Woori ni kurwa ki omumutegeresya?”

Yowana 4:9

Mbe, omugasi oyo ˆnaamusubhya ati, “Awe uri Muyawudi, anye niri Musamaariya. Ejibha kutiki unsabhwe nikuyaane amanji ga okunywa?” ꞉Aayikire kutyo, kwa okubha Abhayawudi bhaariga bhatakusaasikana aamwi na Abhasamaariya.

Matayo 15:7

Emwe abheerimaanya! Kasi jinu omuragi Iisaya ꞉aaragire inguru yeemwe, ni ja echimari.

Matayo 12:24

Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 10:5

Mbe, Yeesu ˆnaatuma jitumwa ekumi na bhabhiri abho, ˆnaabharagirira, ˆnaabhabhwiraga ati, “Mwasiga okuja mu‑bhyaro bhya abhaanu bhanu bhatari Bhayawudi, ka wone, mwasiga okwingira mu‑musi gwonegwone gwa Abhasamaariya.

Yakobo 2:19

Angu, awe owikirisya ati ari‑wo Nyamuwanga umwi era? Owukora kisi okwikirisya kutyo. Amasambwa wone ageekirisya kutyo na okuyarara kwa obhuubha!

Barumi 15:3

Noorwo Kirisito omwene, ꞉ataakorere emisango ja okwikondisya omwene era. Tari jinu ꞉aakorere, jaariga jiri rwa kutyo Ebhikaame Ebhyeru ebhyayika ati, “Amafumo ganu abhakufuma Nyamuwanga, ꞉gaambwene noorwo anye.”

Yowana 13:13

Emwe omumbirikira ati, ‘Omwiyigisya,’ ka wone omumbirikira ati, ‘Raatabhugenyi.’ Omukora kisi okumbirikira kutyo, kwa okubha nikwo kutyo niri.

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

Matayo 12:31

Kurwa ejo, enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone, noorwo araabha bhaariga nibhamwifumirisya. Nawe atarifwira echigongo abhaanu bhanu abheefumirisya Mwoyo Mweru.

Matayo 11:18

Abhaanu ꞉bhaakorere kutyokutyo omwanya gunu Yowana ꞉eejire. Omwene aariga atakurya emikaate noorwo aariga atakunywa echifuufu, abhaanu nibhaayika ati, ‘Unu awungirwe risambwa!’

Yowana 1:19

Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,

Yowana 8:22

Niwo abhatangasya bha Abhayawudi nibhaamba okubhuusyanya ati, “Angu, kaja okwiyita? Okubha kaayika ati, ‘Anu kaagenda, eswe chitakutura okujaa‑wo?’”