Yowana 8:43 - Indagano Inyaaya mu-Chijita

⁴³ Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.

INDAGANO INYA:YA

⁴³ ?Niki cinu ecibaingirira okumenya inyaika yani? Kwo kuba mutakutura kungwa omusango gwani.

Yowana 8:43 Referans Kwoze

Yowana 5:43

Anye niijire ku‑bhuturo bhwa Raata waani, nawe emwe omurema okundamira. Nawe omuunu owundi akaaja ku‑bhuturo bhwaye omwene, omuja okumuramira.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Ebikorwa 7:51

Tefwano ˆnaagenderera okwayika ati, “Emwe abha emitwe emikomeeye! Mu‑myoyo jeemwe mutakuramya Nyamuwanga, na amatwi geemwe gatakutura okutegeresya omusango gwaye. Siku joone omurema Mwoyo Mweru, rwa kutyo bhasaaja weemwe wone ꞉bhaamuremere!

Yowana 6:60

Abhaanu bhaafu mu‑bheeyigisibhwa bhaaye bhejire bhoongwa emisango ejo, nibhaayika ati, “Emisango jinu ni mikomeeye turuturu! Niga unu kaatura okujiikirisya?”

Yowana 8:27

Bhejire bhoongwa ejo, ꞉bhataasombookeeywe ati aariga ˆnaayika nabho inguru ya Esemwene wa mu‑rwire.

Barumi 3:11

Atari‑wo omuunu unu kaasombookerwa emisango ja Nyamuwanga, ka wone atari‑wo unu kaayenja okumumenya.

Matayo 13:15

Jiribha kutyo, kwa okubha emyoyo ja abhaanu bhanu jikomeeye, amatwi geebhwe gari na jisibhirira, ameeso geebhwe bhagawongeresiisye. Bhatakwenda ameeso geebhwe garore, noorwo amatwi geebhwe goongwe, amwi ati, emyoyo jeebhwe jisombookerwe, bhaasiga okunyindukira nimbachungura.’”

Yowana 5:25

Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

Yowana 8:33

Abheene nibhamubhuusya ati, “Eswe chiri rwibhuro rwa Bhurayimu. Chichaariga okubha abhagaya bha omuunu woonewoone urya. Kurwa ki owaayika ati echija okukorwa abheetaage?”

Yowana 8:39

Abheene nibhamusubhya ati, “Bhurayimu niwe raata!” Yeesu ˆnaabhabhwira ati, “Araabha chimari mukabheeye muri bhaana bhaaye, mukakorere jinu omwene aariga ˆnaakora.