Yowana 8:28 - Indagano Inyaaya mu-Chijita

²⁸ Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

INDAGANO INYA:YA

²⁸ Mbe Yesu nababwira ati, Ariba mwamara okuyanika Omwana wo mu:nu, niwo murimenya ati, nanye Oyo, amwi anye nitana cinu enikora kubwani era, nawe rwa kutyo Rata anyiigisisye, nikwo kutyo ena:ika.

Yowana 8:28 Referans Kwoze

Yowana 5:30

Yeesu ˆnaagenderera okwayika ati, “Gutari‑wo omusango gwonegwone gunu enitura okukora ku‑bhuturo bhwani era. Enisoosya indamu ku‑bhaanu okuruubhana na kutyo Raata kaambwira. Indamu yaani niyo ya rirenga, kwa okubha nitakukora rwa kutyo anye omwene eneenda, tari enikora rwa kutyo Raata unu ꞉aantumire keenda.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 6:38

Anye ꞉niteejire okusooka mu‑rwire korereki nibhe ninkora jinu eneenda anye, tari korereki nibhe ninkora jinu keenda Raata unu ꞉aantumire.

Yowana 3:14

“Omwanya gunu Abhayisirayeeri bhaariga bhari mw‑ibhara, Muusa ꞉aakonjere risusano rya injoka ya isyabha na okurisunga kw‑iti, korereki bhawone. Nyabhuriko na anye Omwana wa Omuunu niryendwa okusungwa,

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Ebikorwa 4:4

Noorwo kutyo, abhaafu bhanu ꞉bhoonguuwe emisango ja Peetero na Yowana ꞉bhaajiikirisiisye. Obhukumi bhwa bharume era bhanu ꞉bheekirisiisye Yeesu, ꞉bhwakingire ebhiwumbi bhitaanu kutya.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Yowana 19:18

Bhejire bhaakinga arya, nibhamubhumiirira omwene na abhaanu abhandi bhabhiri ku‑misarabha, owumwi orubhaara rwa ebhuryo rwa omusarabha gwa Yeesu, na owundi orubhaara rwa ebhumoosi, na Yeesu aariga ari agatigati yeebhwe.

Yowana 16:10

Aribheeresya ati anye niri murengeresi, kwa okubha enigenda ku‑Raata na mutarindora rindi.

Yowana 11:42

Nimenyere ati owunyungwaga omwanya gwone, nawe enaayika jinu inguru ya echise cha abhaanu bhanu, korereki bheekirisye ati awe naawe untumire.”

Yowana 8:24

Nikwo okukora naabhabhwira ati, murifwa ku‑songa ya ebhibhiibhi bhyemwe. Mbe, araabha mutakwikirisya ati, ‘Anye Niwe,’ murifwa ku‑songa ya ebhibhiibhi bhyemwe.”

Yowana 3:11

Ni chimari enikubhwira ati, eswe echaayika jinu chimenyere, na echisoosya obhubhambaasi ku‑jinu chirorere. Nawe emwe mutakwikirisya obhubhambaasi bhweswe.

Matayo 24:5

Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

Mariko 13:6

Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

Ruuka 21:8

Yeesu ˆnaabhasubhya ati, “Mwangarire, omuunu woonewoone aasiga okubhajiga. Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Ka wone bharyayikaga ati, ‘Omwanya gwa obhuteero gwafogeeye!’ Abhaanu abho, mwasiga okubharuubha!

Yowana 4:26

Niwo Yeesu ˆnaamusubhya ati, “Anye, unu eniroma na awe, naanye Masiya.”

Yowana 8:27

Bhejire bhoongwa ejo, ꞉bhataasombookeeywe ati aariga ˆnaayika nabho inguru ya Esemwene wa mu‑rwire.

Yowana 8:58

Yeesu ˆnaabhasubhya ati, “Ni chimari enibhabhwira ati, anye niri‑wo okusookerera omwanya gunu Bhurayimu aariga achaari kwibhurwa.”

Yowana 13:19

Naabhabhwira ejo joone jichaari okukorekana, korereki omwanya gunu jirikorekana, mwikirisye ati, ‘Anye Niwe.’

Yowana 18:32

Ejo ꞉jaakorekeene kutyo, korereki emisango jinu Yeesu ꞉aayikire jikuumire okweresya kutyo kaja okufwa.