Yowana 8:21 - Indagano Inyaaya mu-Chijita

²¹ Mbe, Yeesu ˆnaabhwira Abhafarisaayo abho rindi ati, “Anye enigenda, na emwe omuja okunyenja. Nawe murifwa ku‑songa ya ebhibhiibhi bhyemwe. Anu enigenda, emwe mutaritura okuuja‑wo.”

INDAGANO INYA:YA

²¹ Mbe nababwira rindi ati, Anye enigenda, nemwe murinyenja, nimufwira mu bibi:bi byemwe. Anye enu enigenda, emwe mutakutura kuja:yo.

Yowana 8:21 Referans Kwoze

Yowana 7:34

Murinyenja, nawe mutarimbona. Noorwo anu anye niribha, emwe mutaritura okuuja‑wo.”

Yowana 8:24

Nikwo okukora naabhabhwira ati, murifwa ku‑songa ya ebhibhiibhi bhyemwe. Mbe, araabha mutakwikirisya ati, ‘Anye Niwe,’ murifwa ku‑songa ya ebhibhiibhi bhyemwe.”

Yowana 13:33

“Emwe abhaana bhaani abheendwa, nichaari aamwi na emwe katungu katooto era. Murinyenja, nawe rwa kutyo ꞉naabhwiriiye abhatangasya bha Abhayawudi, nikwo kutyo woori nibhabhwira emwe wone ati, anu enigenda, emwe mutaritura okuuja‑wo.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Yowana 12:35

Yeesu ˆnaabhabhwira ati, “Obhweru bhuchaari aamwi na emwe kwa omwanya mufuyi era. Mugenderere okuribhata mu‑bhweru bhunu omwanya gunu bhuchaari‑wo, korereki echisuute chaasiga okubhayiga, kwa okubha omuunu unu kaaribhata mu‑chisuute, atakumenya anu kaagenda.

Yowana 12:33

Yeesu ꞉aayikire kutyo okweresya kutyo arifwa.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 23:39

Anye enibhabhwira ati, mutarindora rindi okukingira omwanya gunu muryayika ati, ‘Ayaanwe amabhando unu kaaja kw‑isiina rya Raatabhugenyi Nyamuwanga!’”

Yowana 7:36

Angu, obhugajuro bhwaye niki okwayika ati, ‘Murinyenja, nawe mutarimbona. Noorwo anu anye niribha, emwe mutaritura okuuja‑wo’?”