Yowana 7:32 - Indagano Inyaaya mu-Chijita

³² Mbe, Abhafarisaayo nibhoongwa kutyo abhaanu bhaariga nibhabhobhootana inguru ya Yeesu. Kurwa ejo, Abhafarisaayo abho, aamwi na abhakuru bha abhagabhisi, nibhatuma abhasirikare, korereki bhamugwate.

INDAGANO INYA:YA

³² Abafarisayo nibongwa ecise nici:toŋanira kubwae kutyo. Abagabisi abakuru na Bafarisayo nibatuma abasirikare okumugwata.

Yowana 7:32 Referans Kwoze

Ebikorwa 5:26

Niwo omukuru wa abhariisi oyo, aamwi na abhariisi bhaaye, nibhagenda ku‑tumwa ejo, nibhabhareeta. Nawe ꞉bhataabhagwatire kwa amanaga, kwa okubha abhariisi ꞉bhoobhayire abhaanu bhaasiga okubhabhuma na amabhuyi.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Yowana 12:19

Nawe Abhafarisaayo nibhaayikana abheene kwa abheene ati, “Omurora? Chitakutura okukora choonechoone! Ringira, abhaanu bhoone abhamuruubha.”

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Matayo 12:14

Mbe, Abhafarisaayo nibhawuruka, nibharoma kutyo bhareete Yeesu.

Matayo 26:58

Peetero aaruubhiriraga Yeesu ari‑wo kura, okukingira ku‑rubhuga rwa inju ya omugabhisi omukuru. Niwo ˆneengira, ˆneenyanja aamwi na abhariisi, korereki arore jinu ejija okukorekana.

Yowana 7:30

Niwo abhaanu nibheenda okumugwata, nawe ꞉ataabheeye‑wo omuunu wa okumugwata, kwa okubha omwanya gwaye gwariga guchaari okukinga.

Yowana 11:46

Nawe Abhayawudi abhandi mu‑abho nibhagenda ku‑Bhafarisaayo na okubhabhwira jinu Yeesu ꞉aakorere.