Yowana 7:31 - Indagano Inyaaya mu-Chijita

³¹ Nawe abhaanu bhaafu mu‑bhanu bhaariga bhari arya, nibheekirisya Yeesu. Abhaanu abho nibhaayika ati, “Araabha omuunu kaakora ebhibharikisyo bhyafu kutyo, itari ati omwene niwe Kirisito?”

INDAGANO INYA:YA

³¹ Nawe ba:fu aba mu cise nibamwikirisya, niba:ika ati, ?Kristo ariba:ja, arikora ebibarikisyo byafu kukira binu unu kakora?

Yowana 7:31 Referans Kwoze

Yowana 12:42

Nawe noorwo, mu‑bhatangasya bha Abhayawudi bhaariga bhari‑mo bhaafu bhanu ꞉bheekirisiisye Yeesu. Nawe ꞉bhataayikire abhwerubhweru ati bhamwikirisya, kwa okubha bhoobhayaga okukindikwa na Abhafarisaayo okusooka mu‑nju ja ameekofyanyo.

Matayo 12:23

Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”

Ebikorwa 8:13

Noorwo Simooni wone ˆneekirisya Yeesu, ˆnaabhatiijibhwa, ˆnaaruubhana na Firipo bhuri orubhaara. Omwanya gunu ꞉aarorere ebhibharikisyo na ebhiruguusyo bhyafu bhinu Firipo aariga ˆnaakora, ꞉aaruguurire.

Yowana 11:45

Mbe, Abhayawudi bhaafu bhanu ꞉bheejire okukeesya Maryamu, bhejire bhaarora jinu Yeesu ꞉aakorere, nibhamwikirisya.

Yowana 9:16

Niwo Abhafarisaayo abharebhe nibhaayika ati, “Omuunu unu akorere kutyo, atasookere ku‑Nyamuwanga, kwa okubha kaanyamura echiraagiro cha orusuku rwa Isabhaato.” Nawe abhandi nibhaayika ati, “Omukosi wa ebhibhiibhi kaatura kutiki okukora ebhibharikisyo rwa ebhyo?” Kurwa ejo, nibhataasyanya mu‑bhwiganirisya bhwebhwe.

Yakobo 2:26

Nyabhuriko, araabha omuunu ari na eriikirisya, nawe atari na ebhikorwa bhya ekisi, eriikirisya ryaye eryo rifuuwe. Omuunu oyo, kaasusana rwa omubhiri gunu gukabha gutari‑mo omwoyo, gutari na obhuwanga.

Yowana 12:11

okubha okuruubhana na okusuururwa kwa Rajaaro, Abhayawudi bhaafu ꞉bhaasigeene na abhatangasya bheebhwe, nibheekirisya Yeesu.

Yowana 6:2

Echise echinene cha abhaanu chaariga nichiruubha Yeesu, kwa okubha chaariga chaarorere ebhibharikisyo bhya okuwosya abharwaye bhinu aariga ˆnaakora.

Yowana 4:39

Mbe, Abhasamaariya bhaafu bha mu‑ruguuyo orwo, nibheekirisya Yeesu, kwa okubha ꞉bhoonguuwe obhubhambaasi bhwa omugasi oyo ati, “Omuunu oyo aambwira emisango joone jinu nirakorere.”

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Ruuka 8:13

“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.

Yowana 4:29

“Chigende, murore omuunu unu aambwira emisango joone jinu nirakorere! Angu, eyiturikana wuti niwe Kirisito?”

Yowana 7:26

Ringira woori, kaayika abhwerubhweru, nawe abheene bhatakumubhwira omusango gwonegwone! Amwi abhatangasya bheeswe bhaambire okwiganirisya ati, oyo niwe Kirisito.