Yowana 7:28 - Indagano Inyaaya mu-Chijita

²⁸ Omwanya gunu Yeesu eeyigisyaga mu‑rubhuga rwa Riyekaru, ˆnaamura obhuraka ˆnaayika ati, “Chimari mummenyere, na mumenyere anu nisookere. Anye ꞉niteejire ku‑bhuturo bhwani, tari nitumirwe na Nyamuwanga wa echimari. Oyo, emwe mutakumumenya.

INDAGANO INYA:YA

²⁸ Mbe Yesu na:ikirira inguru mu yekaru, ne:igisya na:ika ati, Anye mu:menyere, ka enu naso:kere mumenyereyo. Anye nite:jire kubwani nenyere, nawe unu antumire ni wa cimari, unu emwe mutakumumenya.

Yowana 7:28 Referans Kwoze

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Yowana 8:19

Niwo Abhafarisaayo nibhabhuusya Yeesu ati, “Angu, Esomwana ari aaki?” Yeesu ˆnaabhasubhya ati, “Anye mutakummenya, noorwo Raata waani mutakumumenya. Araabha mukammenyere anye, Raata waani wone mukamumenyere.”

Yowana 8:26

Niri na emisango myafu jinu naakaturire okwayika inguru yeemwe na okubharamura, nawe nitakuja kukora kutyo. Okubha unu ꞉aantumire ni wa echimari, anye enibhwira abhaanu bhoone emisango jinu enuungwa okusooka ku‑mwene.”

Yowana 8:14

Yeesu ˆnaabhasubhya ati, “Noorwo araabha eniisoosisya obhubhambaasi omwene, obhubhambaasi bhwani ni bhwa echimari. Anye nimenyere enu nisookere, ka wone nimenyere enu enija. Nawe emwe mutakumenya enu nisookere noorwo enu enija.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 12:49

Anye nitaayika emisango ejo ku‑bhuturo bhwani omwene, tari Raata unu antumire, niwe ꞉aandagiriiye emisango ja okwayika, na kutyo enija okujaayika.

Yowana 5:43

Anye niijire ku‑bhuturo bhwa Raata waani, nawe emwe omurema okundamira. Nawe omuunu owundi akaaja ku‑bhuturo bhwaye omwene, omuja okumuramira.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

2 Bakorinto 1:18

Nawe woori, rwa kutyo Nyamuwanga ari mwiyikanyibhwa, jinu ꞉chaabhabhwiriiye, jaariga jitari ja omuunu okwayika ati, “Cha,” neeya ˆnaayika ati, “Wuri.”

Barumi 3:4

Wuri, noorwo na akatyari! Noorwo kutyo abhaanu bhoone ni bhabheeyi, Nyamuwanga keeresya ati kaakora chinu kaayika. Rwa kutyo Ebhikaame Ebhyeru ebhyayika inguru yaaye ati, “Waakabhuura abhaanu ku‑bhibhiibhi bhyebhwe, emisango jaawo ni ja echimari. Waakabharamura, indamu yaawo ni ya obhurengeresi.”

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Ebikorwa 17:23

Okubha bhunu naagosoraga mu‑musi gunu, ꞉naarorere bhinu omuramya. ꞉Naarorere ku‑chigabhiro mukaamire‑ko ati, kw‑isambwa rinu ritakumenyekana. Nyamuwanga unu omuramya okumumenya wuri, niwe unu niijire okubhamenyesya.

Yowana 17:25

Raata omurengeresi, abhaanu bha ku‑chaaro kunu bhatakukumenya. Nawe anye nikumenyere, ka wone abheeyigisibhwa bhaani abhamenya ati naawe ꞉waantumire.

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 14:31

Jinu enikora nijo jinu Raata andagiriiye okukora, korereki abhaanu bhoone bhasombookerwe ati nimwendere. “Woori, mwimereeguru chisooke anu.”

Yowana 14:10

Angu, utakwikirisya ati anye niri na obhumwi na Raata, na Raata ari na obhumwi na anye? Emisango jinu enibhabhwira jitakusooka mu‑bhwiganirisya bhwani, nawe Raata, unu ari na obhumwi na anye, niwe kaakora emirimu jaaye okutura kw‑anye.

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Yowana 8:16

Nawe araabha anye nikaramura omuunu, indamu yaani niyo ya echimari, kwa okubha nitari anye omwene era, tari niri aamwi na Raata unu ꞉aantumire.

Yowana 5:32

Nawe ari‑wo omubhambaasi owundi unu kaasoosya kw‑imwe obhubhambaasi inguru yaani, niwe Raata. Anye nimenyere ati, obhubhambaasi bhwaye ni bhwa chimari.

Yowana 3:33

Omuunu woonewoone unu keekirisya obhubhambaasi bhwaye, keeresya ati jinu Nyamuwanga kaayika ni ja chimari,

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 1:46

Omwene ˆnaabhuusya Firipo ati, “Echiinu choonechoone cha ekisi echitura okusooka mu‑musi omutooto gwa Najareeti?” Firipo ˆnaamusubhya ati, “Iija, urore.”

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Ruuka 2:51

Mbe, ˆnaasubha nabho Najareeti na aariga ˆnaabhagayuka. Joone jinu ꞉jaakorekeene, nyiramwene ˆnaajituura mu‑mutima gwaye ˆnaajiiganirisyaga.

Ruuka 2:39

Mbe, Jejefu na Maryamu nibhamara okukora joone jinu ebhiraagiro bhya Raatabhugenyi bhyendaga. Nibhasubha ewaabho mu‑musi gwa Najareeti, mu‑mukoowa gwa Gariraaya.

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Ruuka 2:4

Jejefu wone, ˆneemuka okusooka mu‑musi gwa Najareeti mu‑mukoowa gwa Gariraaya, ˆnaariinya okuja mu‑musi gwa Bhetereyeemu mu‑mukoowa gwa Yuudeya. Bhetereyeemu nigwo gwariga guri musi gwa omukama Dawudi na Jejefu aariga ari wa mu‑ruganda rwaye.

Matayo 2:23

Nibhaja mu‑musi gunu gwatogwaga ati Najareeti, nibheekara eyo. Niwo omusango ꞉gwakuumiiye gunu ꞉gwayikirwe inguru ya Yeesu ku‑njira ya abharagi ati, “Aritogwa Omunajareeti.”

Yowana 7:14

Omwanya gunu jisiku ja jichikukuru ꞉jaakingire agatigati, Yeesu ˆnaagenda, ˆneengira mu‑rubhuga rwa Riyekaru, ˆnaamba okwiyigisya abhaanu omwo.

Matayo 26:55

Niwo Yeesu ˆnaabhwira abhaanu bha echise echo ati, “Angu, mwaja na jimbanda na jindungu okungwata wuti anye niri musaakusi? Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire!

Yowana 6:42

Nibhabhuusyanya ati, “Angu, omuunu unu atari Yeesu, omwana wa Jejefu? Noorwo abheebhusi bhaaye chibhamenyere. Woori, kaatura kutiki okwayika ati eekire okusooka mu‑rwire?”

Yowana 9:29

Eswe chimenyere ati Nyamuwanga ꞉aayikire na Muusa, nawe chitakumenya ati omuunu oyo asookere aaki.”