Yowana 7:14 - Indagano Inyaaya mu-Chijita

¹⁴ Omwanya gunu jisiku ja jichikukuru ꞉jaakingire agatigati, Yeesu ˆnaagenda, ˆneengira mu‑rubhuga rwa Riyekaru, ˆnaamba okwiyigisya abhaanu omwo.

INDAGANO INYA:YA

¹⁴ Mbe ku marya aagati Yesu narinya nengira mu yekaru ne:igisya.

Yowana 7:14 Referans Kwoze

Yowana 7:28

Omwanya gunu Yeesu eeyigisyaga mu‑rubhuga rwa Riyekaru, ˆnaamura obhuraka ˆnaayika ati, “Chimari mummenyere, na mumenyere anu nisookere. Anye ꞉niteejire ku‑bhuturo bhwani, tari nitumirwe na Nyamuwanga wa echimari. Oyo, emwe mutakumumenya.

Ruuka 19:47

Bhuri rusuku, Yeesu aariga ˆneeyigisya abhaanu mu‑rubhuga rwa Riyekaru rya Nyamuwanga. Abhakuru bha abhagabhisi, aamwi na abheeyigisya bha ebhiraagiro bhya Muusa na abhakuru bha Abhayawudi bhaariga nibhayenja injira ya okumwita.

Yowana 18:20

Yeesu ˆnaamusubhya ati, “Naariga ninaayika na abhaanu bhoone abhwerubhweru. Omwanya gwone naariga niniiyigisya abhaanu mu‑nju ja ameekofyanyo geemwe na mu‑rubhuga rwa Riyekaru munu Abhayawudi bhaafu abheekumanya aamwi. ꞉Nitaayikire wuri musango gwonegwone mu‑bhumbise.

Yowana 8:2

Bhwejire bhwacha katondo, Yeesu ˆnaagenda rindi ˆneengira mu‑rubhuga rwa Riyekaru. Abhaanu bhoone nibhamuuja‑ko, omwene ˆneenyanja, ˆnaamba okubheeyigisya.

Yowana 7:37

Orusuku rwa obhuteero rwa ichikukuru ya ebhiwuuna, rwariga ruri rusuku orukuru muno. Mbe, Yeesu ˆneemereeguru mu‑rubhuga rwa Riyekaru, ˆnaamura obhuraka ˆnaayika ati, “Omuunu akoongwa obhwiro bhwa amanji, aaje kw‑anye, anywe!

Yowana 7:2

Omwanya ogwo, ichikukuru ya Abhayawudi ya ebhiwuuna yaariga iri yeeyi.

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Matayo 26:55

Niwo Yeesu ˆnaabhwira abhaanu bha echise echo ati, “Angu, mwaja na jimbanda na jindungu okungwata wuti anye niri musaakusi? Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire!

Matayo 21:12

Niwo Yeesu ˆneengira mu‑rubhuga rwa Riyekaru rya Nyamuwanga. Ejire eengira omwo, ˆnaasongʼana abhaanu bhaafu bhanu bhaariga nibhagusya na okugura ebhiinu, ˆnaabhabhirimya bhoone. ˆNaagaramura jimeeja ja abhaanu bhanu bhaariga nibhayingya jipirya, ˆnaagaramura wone ebhitebhe bhya abhaanu bhanu bhaariga nibhagusya ebhiguuti.

Yowana 8:20

Yeesu ꞉aayikire emisango ejo joone, omwanya gunu eeyigisyaga mw‑Iyekaru, anu ebhibhiikiro bhya echiyaanwa bhyariga bhiri. Nawe ꞉ataabheeye‑wo omuunu unu ꞉aamugwatire, kwa okubha omwanya gwaye gwariga guchaari kukinga.