Yowana 7:1 - Indagano Inyaaya mu-Chijita

¹ Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

INDAGANO INYA:YA

¹ Wejire ejo jawa Yesu naribata mu Galilaya, okuba atendere kuribata mu Buyaudi, okuba Bayaudi bayenjaga obwenge okumwita.

Yowana 7:1 Referans Kwoze

Yowana 4:3

Yeesu ejire oongwa kutyo, ˆnaasooka mu‑mukoowa gwa Yuudeya aamwi na abheeyigisibhwa bhaaye, ˆnaasubha mu‑mukoowa gwa Gariraaya.

Matayo 21:38

Nawe abharimi bharya bhejire bhaarora omwana waaye, nibhaayikana ati, ‘Unu niwe aryanjura ebhiinu bhya esemwene. Chimwite korereki eswe neeswe chigege omwandu gwaye.’

Yowana 7:19

Yeesu ˆnaagenderera okwayika ati, “Mumenyere ati, Muusa ꞉aabhayaaye ebhiraagiro bhya Nyamuwanga. Nawe atari‑wo omuunu noorwo umwi mw‑imwe unu kaagayuka ebhiraagiro ebhyo. Kurwa ki woori omwenda okunyita?”

Matayo 10:23

Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Yowana 4:54

Echo chaariga chiri chibharikisyo cha kabhiri chinu Yeesu ꞉aakorere mu‑mukoowa gwa Gariraaya, omwanya gunu ꞉aasubhire okusooka mu‑mukoowa gwa Yuudeya.

Yowana 1:19

Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,

Yowana 8:40

Nawe woori, omuyenja injira ya okunyita, noorwo kutyo naabhabhwira echimari chinu ꞉noonguuwe okusooka ku‑Nyamuwanga. Bhurayimu ꞉ataakorere kutyo emwe omwenda okukora woori.

Yowana 8:37

Nimenyere ati, emwe muri rwibhuro rwa Bhurayimu. Nawe omwenda okunyita, kwa okubha muremere okwikirisya jinu enibheeyigisya.

Yowana 7:25

Mbe, abhaanu abhandi bha Yerusareemu awo, nibhabhuusyanyaga ati, “Angu, omuunu oyo atari unu abhatangasya bheeswe abhayenja, korereki bhamwite?

Mariko 11:18

Abhakuru bha abhagabhisi, aamwi na abheeyigisya bha ebhiraagiro bhya Muusa bhejire bhoongwa ejo joone, nibhaamba okuyenja injira ya okumwita, kwa okubha bhaariga nibhamuubhaya, nibharoraga kutyo abhaanu bhoone bhaariga nibharuguusibhwa na ameeyigisyo gaaye.

Yowana 6:1

Ejo jejire jaawa, Yeesu ˆnaambuka inyanja ya Gariraaya, inu risiina erindi eyitogwa ati, inyanja ya Tibheeriyo.

Yowana 7:11

Mbe, omwanya gwa ichikukuru, abhatangasya bha Abhayawudi nibhayenja Yeesu. Nibhabhuusyaga abhaanu ati, “Ari aaki omuunu urya?”

Yowana 7:13

Nawe ꞉ataabheeye‑wo omuunu unu ꞉aayikire abhwerubhweru inguru ya Yeesu, kwa okubha ꞉bhoobhayire abhatangasya bha Abhayawudi.

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?