Yowana 6:68 - Indagano Inyaaya mu-Chijita

⁶⁸ Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

INDAGANO INYA:YA

⁶⁸ Simoni Petero namuindura ati, Ratabugenyi, cije ku:ga? Awe uri ne misango jo buanga bwa kajanende.

Yowana 6:68 Referans Kwoze

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

Ebikorwa 5:20

“Mugende mwimereeguru mu‑rubhuga rwa Riyekaru, mubhwire abhaanu emisango joone inguru ya obhurame obhuyaaya bhunu!”

Ebikorwa 7:38

Niwe unu aariga ari aamwi na Abhayisirayeeri ibhara. Niwe unu ꞉aaromere na maraayika wa Nyamuwanga mu‑chiima cha Sinaayi, ˆnaaramira okusooka ku‑mwene emisango ja obhuwanga, korereki achibhwire.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Mariko 8:29

ˆNaabhabhuusya ati, “Woori emwe, omwayika ati naanye ga?” Peetero ˆnaamusubhya, ˆnaayika ati, “Awe naawe Kirisito.”

Ruuka 9:20

Yeesu ˆnaabhabhuusya ati, “Woori emwe, omwayika ati, naanye ga?” Peetero ˆnaamusubhya ati, “Awe naawe Kirisito unu utumirwe na Nyamuwanga.”

Yowana 12:49

Anye nitaayika emisango ejo ku‑bhuturo bhwani omwene, tari Raata unu antumire, niwe ꞉aandagiriiye emisango ja okwayika, na kutyo enija okujaayika.

Yowana 12:50

Ka wone, nimenyere ati echiraagiro chaaye echiyaana abhaanu obhuwanga bhwa akajaanende koone. Kurwa ejo, anye enaayika era jinu Raata ꞉aandagiriiye okwayika.”

Ebikorwa 13:26

“Abhayiri bhaasu, emwe abhaanu bha orwibhuro rwa Bhurayimu, na emwe abhaanu bhanu mutari Bhayawudi bhanu omuramya Nyamuwanga, emisango ja obhuchungusi bhunu jaaretwa kw‑iswe!

Ebikorwa 8:37

Firipo ˆnaamubhwira ati, “Ukeekirisya Yeesu Kirisito kwa omwoyo gwawo gwone, owutura okubhatiijibhwa.” ˆNaamubhwira ati, “Eniikirisya ati, Yeesu Kirisito ni Mwana wa Nyamuwanga.”]