Yowana 6:45 - Indagano Inyaaya mu-Chijita

⁴⁵ Jikaamirwe mu‑Bhikaame Ebhyeru bhya abharagi ati, ‘Abhaanu bhoone bhariyigisibhwa na Nyamuwanga.’ Mbe, omuunu woonewoone unu kaategeresya na okwiyigira okusooka ku‑Raata, kaaja kw‑anye.

INDAGANO INYA:YA

⁴⁵ Byandikirwe mu baragi ati, Bo:ne bariigisibwa na Nyamuanga. Unu wo:ne kongwa no kwiigira ku Rata, niwe ka:ja kwanye.

Yowana 6:45 Referans Kwoze

Baeburania 10:16

“Raatabhugenyi kaayika ati, ‘Inu niyo indagano inyaaya inu nirikora na abhaanu bhaani ku‑siku jinu ejiija. Enija okutuura ebhiraagiro bhyani mu‑myoyo jeebhwe, niribhikaama mu‑bhwiganirisya bhwebhwe.’”

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

Yowana 6:65

Mbe, ˆnaagenderera okubhabhwira ati, “Eyo niyo isonga inu yaakora nimbabhwira ati, atari‑wo omuunu unu kaatura okuuja kw‑anye, araabha atatangasiibhwe na Raata.”

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Baefeso 1:17

Enisabhwa Nyamuwanga wa Raatabhugenyi weeswe Yeesu Kirisito, Raata owa rikusyo, abhayaane obhwengeeso bhwa echinyamwoyo na okwiswerura kw‑imwe, korereki mumusombookerwe muno.

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Ruuka 18:31

Yeesu ˆnaabhirikira abheeyigisibhwa bhaaye ekumi na bhabhiri bhumbise, ˆnaabhabhwira ati, “Muringire! Echiriinya okugenda mu‑musi gwa Yerusareemu. Emisango joone jinu ꞉jaakaamirwe na abharagi inguru yaani, anye Omwana wa Omuunu, jirikuumira eyo.

Ruuka 1:70

Rwa kutyo aariga aayikire kara awo ku‑njira ya abharagi bhaaye abheeru.

Mariko 1:2

꞉Bhwaambire rwa kutyo jikaamirwe mu‑chitabho cha omuragi Iisaya ati, “Ringira, enituma itumwa yaani imbere yaawo, akutangatire na okukwiraabhira injira.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Ebikorwa 7:42

Kurwa ejo, Nyamuwanga ˆnaabhasindika bharamirisye jinjota ja mu‑rutumba, rwa kutyo jikaamirwe mu‑chitabho cha abharagi ati, ‘Emwe Abhayisirayeeri, omwanya ogwo ꞉mweekaaye ibhara emiguuga makumi gana, angu, mwariga nimunyiitira anye ebhitunganwa korereki munsoosisye echitambwa?

Ebikorwa 13:40

Kurwa ejo mwiyangarire kisi korereki mwasiga okugwatwa na emisango jinu ꞉jaakaamirwe mu‑bhitabho bhya abharagi ati,

Bafilipi 3:15

Kurwa ejo, eswe bhoone bhanu chirumateene mu‑riikirisya, echikenwa okwikirisyanya ku‑misango ejo. Araabha muri na obhwiganirisya bhunu bhutaasyanyiisye na emisango ejo, Nyamuwanga niwe aribhaswerurira kutyo jiri.

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.