Yowana 6:39 - Indagano Inyaaya mu-Chijita

³⁹ Raata unu ꞉aantumire keenda ati, naasiga okubhusya noorwo omuunu umwi mu‑bhanu anaaye, tari nibhasuurure bhoone ku‑rusuku rwa obhuteero.

INDAGANO INYA:YA

³⁹ Okwenda kwa Rata unu antumire ni kunu ati, mu bo:ne banu ananire asige kumbura na umwi, nawe nimusu:rurire ku rusiku rwa ku bute:ro.

Yowana 6:39 Referans Kwoze

Yowana 17:12

Omwanya gunu naariga niri aamwi nabho, naabharindaga ku‑bhuturo bhwa risiina ryawo rinu unaaye. ꞉Naabhaangariiye kisi korereki nisige okubhusya noorwo umwi ku‑bhanu, tari unu ꞉eenderwe okusingaarika, okukuumisya jinu jikaamirwe mu‑Bhikaame Ebhyeru.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Yowana 18:9

Yeesu ꞉aayikire kutyo korereki jikuumire jinu ꞉aayikire ku‑bhwambiro ati, “Naariga nimbangarira kisi bhanu ꞉waanaaye, korereki nisige okubhusya noorwo umwi weebhwe.”

Yowana 6:54

Omuunu woonewoone unu kaarya omubhiri gwani na okunywa isagama yaani, oyo ari na obhuwanga bhwa akajaanende koone, na anye nirimusuurura ku‑rusuku rwa obhuteero.

Yowana 6:44

Atari‑wo omuunu unu kaatura okuuja kw‑anye, araabha atatangasiibhwe na Raata unu ꞉aantumire. Anye nirisuurura omuunu oyo ku‑rusuku rwa obhuteero.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Matayo 18:14

“Nikwo kutyo wone, Esomwana wa mu‑rwire, atakwenda noorwo umwi ku‑bhatooto abho asingaarike.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.

Yowana 12:48

Omuunu woonewoone unu kaandema anye aamwi na emisango jaani, ari‑wo unu arimuramura. Emisango jinu enaayika nijo jirimuramura ku‑rusuku rwa obhuteero.

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

Yowana 5:28

Mwasiga okuruguura inguru ya emisango ejo! Omwanya oguuja gunu abhafuuwe bhoone bharyungwa obhuraka bhwa Omwana wa Omuunu,

Matayo 10:15

Ni chimari enibhabhwira ati, orusuku rwa indamu, Nyamuwanga arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu bha emisi ja Sodoma na Gomoora!

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 17:6

“Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

Yowana 17:9

Enisabhirwa abho, kwa okubha ni bhaanu bhaawo. Nitakusabhirwa abhaanu bha ku‑chaaro kunu, nawe enisabhirwa bhanu awe ꞉waanaaye.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

1 Bakorinto 6:14

Ka wone, Nyamuwanga arichisuurura kwa amanaga gaaye, rwa kutyo ꞉aasuuruuye Raatabhugenyi okusooka mu‑bhafuuwe.

Yakobo 5:15

Bhakamusabhirwa bhari na eriikirisya, omurwaye oyo ariwora. Raatabhugenyi arimwinamusya na araabha aariga akorere ebhibhiibhi, arifwirwa echigongo ebhibhiibhi ebhyo.