Yowana 6:12 - Indagano Inyaaya mu-Chijita

¹² Abhaanu bhoone bhejire bheeguta, Yeesu ˆnaabhwira abheeyigisibhwa bhaaye ati, “Mukumanye ebhibhaara bhinu bhyasigara, korereki bhyasiga okunyamuka.”

INDAGANO INYA:YA

¹² Wejire be:guta nabwira abe:igisibwa bae ati, Nimukofye ebiba:ra binu byasigara, casiga kuburao ci:nu.

Yowana 6:12 Referans Kwoze

Ruuka 1:53

Abha omweko abhegutiisye kisi, nawe abhaniibhi, ꞉aabhabhirimiisye ngaro nyeru.

Ruuka 9:17

Abhaanu bhoone nibharya, nibheeguta. Bhejire bhaamara okurya, abheeyigisibhwa abho nibhakumanya ebhibhaara bhinu ꞉bhyasigaaye, nibheejusya ebhitukuru ekumi na bhibhiri.

Ruuka 15:13

“Jisiku nooto okutura, omumura omutooto oyo ˆnaakumanya omwandu gwaye gwone, gunu eswemwene aariga amuyaaye, ˆnaagenda mu‑chaaro cha kura. Ejire aakinga eyo, ˆnaagunyarambura bhuyagayaga inguru ya jitungwa jimbiibhi.

Ruuka 16:1

Ka wone, Yeesu ˆnaabhwira abheeyigisibhwa bhaaye echijekekanyo ati, “Aariga ari‑wo omuniibhi umwi. Omuniibhi oyo aariga ari na omwangarisi wa omwandu gwaye. Omwangarisi oyo, ˆnaasitaakibhwa ati, aariga ˆnaanyamura omwandu gwa omuniibhi waaye.

Yowana 2:2

Yeesu na abheeyigisibhwa bhaaye wone bhaariga bhakokerwe mu‑bhuregesi obhwo.