Yowana 6:11 - Indagano Inyaaya mu-Chijita

¹¹ Niwo, Yeesu ˆnaagega emikaate ejo, ˆnaasiima Nyamuwanga, ˆnaajibheganya, ˆnaagabhira abhaanu bhoone bhanu bhaariga bheenyanjire awo. ˆNaagega jiiswi wone ˆnaakora kutyokutyo, ˆnaagabhira abhaanu. Bhuri muunu ˆnaarya rwa kutyo eendaga.

INDAGANO INYA:YA

¹¹ Mbe Yesu nagega emikate, nasi:ma, nagabira banu benyanjire. Na jiswi one nabagabira rwa kutyo bendere.

Yowana 6:11 Referans Kwoze

Yowana 6:23

Niwo, abhaanu abhandi nibhaaja na jingama okusooka mu‑musi gwa Tibheeriyo, nibhakinga anu echise cha abhaanu ꞉bhaariiye emikaate, omwanya gunu Raatabhugenyi Yeesu ꞉aamarire okusiima Nyamuwanga.

1 Batesalonika 5:18

Musiime Nyamuwanga ku‑bhuri musango, kwa okubha ejo nijo omwene keenda emwe mukore rwa kutyo Kirisito Yeesu ꞉aachiiyigisiisye okukora.

Barumi 14:6

Omuunu unu kaarora ati orusuku orurebhe ruri na obhugajuro okukira jisiku ejindi, kaakora kutyo kwa okubha keenda okukondisya Raatabhugenyi Yeesu. Owundi unu kaarya choonechoone chirya, kaakora kutyo korereki akondisye Raatabhugenyi Yeesu, kwa okubha kaarya enu ˆnaasiimaga Nyamuwanga. Owundi unu kaarya emikubhi era, kaakora kutyo kwa okubha keenda okukondisya Raatabhugenyi Yeesu. Oyo wone kaasiima Nyamuwanga.

Matayo 15:36

ˆNaagega emikaate etaanu na ebhiri jirya na ebhiswi bhirya, ˆnaasiima Nyamuwanga. Neeya, ˆnaabhibheganya, ˆnaayaana abheeyigisibhwa bhaaye, abheene wone nibhagabhira abhaanu.

Ruuka 24:30

Omwanya gunu ꞉bhaategere inenda okurya ebhiryo, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaabhayaana.

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

Ebikorwa 27:35

Ejire aamara okwayika kutyo, ˆnaagega omukaate, ˆnaasoosya risiima ku‑Nyamuwanga imbere yeebhwe bhoone, ˆnaagubheganya, ˆnaamba okurya.

Yowana 6:9

“Ari‑wo anu omusigaji umwi unu ari na emikaate etaanu ja isyayiri na jiiswi ebhiri. Nawe, bhinu ebhitura kutiki okwiya echise chinu choone?”

Yowana 21:9

Bhejire bhaakinga ku‑chaaro, nibhasongʼana omuriro gwa amakara. Ku‑muriro okwo jaariga jiri‑ko jiiswi na omukaate.

Yowana 21:10

Yeesu ˆnaabhwira abheeyigisibhwa bhaaye ati, “Mureete‑wo anu jiiswi jindebhe jinu mweta.”

Yowana 21:13

Mbe Yeesu ˆnaaja, ˆnaagega omukaate, ˆnaayaana abheeyigisibhwa bhaaye. Ejire aamara, ˆnaagega jiiswi, wone ˆnaabhayaana.