Yowana 5:5 - Indagano Inyaaya mu-Chijita

⁵ Mu‑bharwaye abho, aariga ari‑mo omumura umwi unu aariga ari murwaye kwa omwanya gwa miguuga makumi gasatu na etaanu na esatu.

INDAGANO INYA:YA

⁵ Ariga ario omu:nu arwae, amarire myaka makumi gasatu neta:nu nesatu (38).

Yowana 5:5 Referans Kwoze

Ebikorwa 3:2

Mu‑rubhuga rwa Riyekaru awo, ryariga riri‑wo rirango rinu ryatogwaga ati, Rirango rya Ekisi. Ku‑mbari ya rirango eryo, aariga ari‑wo omuunu ari murema okusookerera okwibhurwa kwaye. Bhuri rusuku omurema oyo, aariga ˆnaabhaturwa na abhaanu na okutuurwa ayeeyi na rirango eryo, korereki asabhiirisye jipirya ku‑bhaanu bhanu bhaariga nibhayitingʼana okwingira mu‑rubhuga rwa Riyekaru.

Ruuka 8:43

Mu‑bhaanu abho, aariga ari‑mo omugasi, unu aariga arwaye echisiiro, emiguuga ekumi na ebhiri. [Aariga aamarire ribhona ryaye ryone ˆnaasiraga ku‑bhafumu.] Nawe atari‑wo omufumu noorwo umwi unu ꞉aaturire okumuwosya.

Mariko 9:21

Yeesu ˆnaabhuusya esemwene omwana oyo ati, “Ebhinyaasyo bhinu bhyamwambire ri?” Esemwene ˆnaayika ati, “Okwambira ku‑bhwana bhwaye.

Ebikorwa 14:8

Mu‑musi gwa Risitura, aariga ari‑mo omuunu umwi unu aariga aremaaye okusookerera okwibhurwa kwaye, aariga atakutura okuribhata wuri.

Ruuka 13:16

Mbawo, omugasi unu ni wa mu‑ruganda rwa Bhurayimu, aamarire emiguuga ekumi na etaanu na esatu, abhoyerwega na Syetaani. Mbe, omwene wone jiteenderwe asuruumurwe okusooka mu‑ndwara ku‑rusuku rwa Isabhaato?”

Ebikorwa 9:33

Mu‑musi omwo, ˆnaabhugana na omuunu, risiina ryaye aatogwaga Ayineeya. Oyo aariga afuuwe omubhiri, amaamire kw‑iraro omwanya gwa emiguuga etaanu na esatu.

Yowana 9:1

Orusuku rumwi, Yeesu aaribhataga ku‑njira, ˆnaarora omuunu umwi unu aariga ari muwofu okusookerera okwibhurwa kwaye.

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Ebikorwa 4:22

Okubha ꞉bhaamenyere ati omuunu unu ꞉aawosiibhwe aariga ari murema okusookerera okwibhurwa kwaye, aariga akingiisye emiguuga makumi gana.

Yowana 9:21

Nawe chitakumenya chinu chaakora ˆnaarora, ka wone chitakumenya omuunu unu ꞉aamuwosiisye ameeso. Mumubhuusye omwene, kwa okubha ni muunu mukuru, kaatura okwayika.”

Yowana 5:4

kwa okubha omwanya ogundi maraayika wa Nyamuwanga aariga ˆnaaja, ˆnaaserura amanji mw‑itanga eryo. Omurwaye unu aariga ˆnaabha wa okwamba okwingira mu‑manji omwo, oyo niwe aariga ˆnaawora obhurwaye bhunu aariga ari nabhwo.]

Yowana 5:6

Niwo Yeesu ˆnaamurora amaamire awo. ꞉Aasombookeeywe ati omuunu oyo ni murwaye kwa omwanya omureera, ˆnaamubhuusya ati, “Angu, oweenda okuwora?”