Yowana 5:42 - Indagano Inyaaya mu-Chijita

⁴² Nawe anye nimenyere kutyo muri, nimenyere ati, eryenda rya Nyamuwanga ritari mu‑myoyo jeemwe.

INDAGANO INYA:YA

⁴² Nawe nibamenyere emwe ati, okwenda kwa Nyamuanga kutabarimo.

Yowana 5:42 Referans Kwoze

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

1 Yoana 3:17

Araabha omuunu ari na ebhiinu bhya okumusakira ku‑bhurame bhwa ku‑chaaro anu, ka wone kaamenya ati oweejaabho ari na obhukene, nawe atari na omwoyo gwa echigongo gwa okumusakira, chimari, eryenda rya Nyamuwanga eribha kutiki mu‑mwoyo gwaye?

1 Yoana 2:15

Kurwa ejo, musige okwenda ebhibhiibhi noorwo jitungwa jimbiibhi joonejoone ja ku‑chaaro. Araabha omuunu woonewoone aakeenda ebhibhiibhi, atakwenda Raata Nyamuwanga.

Yowana 2:25

Omwene ꞉ateendere omuunu woonewoone okumubhwira jinu abhaanu bheeganirisyaga, kwa okubha ꞉aamenyere joone jinu jaariga jiri mu‑mwoyo gwa bhuri muunu.

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.

Barumi 8:7

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abho ni bhasoko bha Nyamuwanga. Bhatakugayuka echiraagiro chaaye, ka wone bhatakutura okuchigayuka.

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yowana 8:55

Emwe mutakumenya Nyamuwanga, nawe anye enimusombookerwa. Araabha nikaayikire ati nitakumusombookerwa, mbe naakabheeye omubheeyi rwa emwe. Nawe anye enimusombookerwa, ka wone enigayukaga jinu kaayika.

Yowana 8:47

Omuunu woonewoone wa Nyamuwanga, oyo kaategeresya emisango jaaye. Emwe mutakutegeresya jinu Nyamuwanga kaayika, kwa okubha mutari bhaanu bhaaye.”

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Yowana 5:41

Anye nitakwiyikanya okubhona echibharo okusooka ku‑bhaanu.

Yowana 5:43

Anye niijire ku‑bhuturo bhwa Raata waani, nawe emwe omurema okundamira. Nawe omuunu owundi akaaja ku‑bhuturo bhwaye omwene, omuja okumuramira.