Yowana 5:20 - Indagano Inyaaya mu-Chijita

²⁰ Okubha Raata keenda Omwana waaye, niyo isonga kaamweresya emirimu joone jinu kaakora. Ka wone, Esemwene kaja okumweresya kutyo kaja okukora emisango emisito okukira jinu aakorere, ka emwe omuja okuruguura muno.

INDAGANO INYA:YA

²⁰ Okuba Rata endere Omwana, kamweresya byone binu kakora Omwene. Ka arimweresya emirimu eminene kukira ejo, korereki emwe murugu:re.

Yowana 5:20 Referans Kwoze

Yowana 3:35

Raata Nyamuwanga eendere Omwana waaye, ka wone amuyaaye obhuturo inguru ya ebhiinu bhyone.

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

2 Petero 1:17

Eswe chaariga chiri aamwi na Yeesu mu‑chiima echeeru, omwanya gunu ꞉aayaaywe echibharo okusooka ku‑Raata Nyamuwanga. Omwanya ogwo, obhuraka bhwa rikusyo rikuru ꞉bhwasookere mu‑rwire ku‑Nyamuwanga omwene, nibhwayikaga ati, “Unu niwe Omwana waani omwendwa, niwe kaankondisya.” Kurwa ejo, eswe abheene chaariga chiri abhabhambaasi bhanu ꞉choonguuwe emisango ejo.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 15:15

Nitachaabhatoga rindi ati, muri bhagaya, kwa okubha omugaya atakumenya gunu omwami waaye kaakora. Nawe emwe naabhaswerurira joone jinu noongwa okusooka ku‑Raata waani, kutyo niraabhatogega ati, muri bhasaani bhaani.

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Yowana 10:32

Nawe Yeesu ˆnaabhabhwira ati, “Naabheeresya ebhiruguusyo bhyafu bhya ekisi bhinu ꞉naakorere ku‑bhuturo bhwa Raata. Ni chiruguusyo ki mw‑ibhyo chinu echibhakora mwende okumbuma na amabhuyi?”

Yowana 5:29

bharisuuruka na okusooka mu‑fwa jeebhwe. Abhaanu bhanu bhaakoraga emisango ja ekisi, bhariyaanwa obhuwanga bhwa akajaanende koone, nawe bhanu bhaakoraga ebhibhiibhi, bhariramurwa.”

Yowana 5:25

Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 4:8

Ku‑bhuteero, Syetaani ˆnaagega Yeesu ˆnaamusira ku‑chiima echireera muno. Awo, ˆnaamweresya obhukama na obhuniibhi bhwa ebhyaro bhyone,