Yowana 4:42 - Indagano Inyaaya mu-Chijita

⁴² Nibhabhwira omugasi oyo ati, “Woori cheekirisya omuunu unu jitari ku‑misango jinu waachibhwira. Tari kwa okubha eswe abheene cheeyungwirwa emisango jinu kaayika. Woori chimenyere chimari ati, omuunu unu niwe Omuchungusi wa echaaro.”

INDAGANO INYA:YA

⁴² Nibabwira omugasi uyo ati, Woryanu cite:kirisya kurwo kwaika kwao era okuba ceyungwirwa eswe abene, nicimenya ati ni cimari unu niwe Omukisya we ca:ro.

Yowana 4:42 Referans Kwoze

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 4:29

“Chigende, murore omuunu unu aambwira emisango joone jinu nirakorere! Angu, eyiturikana wuti niwe Kirisito?”

Ruuka 2:32

Obhuchungusi obhwo, ni bhweru bhwa okweresya injira yaawo, ku‑bhaanu bhanu bhatari Bhayawudi, na okuyaana abhaanu bhaawo Abhayisirayeeri rikusyo.”

Yowana 11:17

Mbe, Yeesu ejire aakinga mu‑mukoowa gwa Yuudeya mu‑ruguuyo rwa Bheetaniya, ˆnaasongʼana Rajaaro aamarire siku ena ari mu‑chituuro.

Matayo 1:21

Ariibhura omwana wa echirume, na urimutoga Yeesu, kwa okubha oyo, niwe arichungura abhaanu bhaaye okusooka mu‑bhibhiibhi bhyebhwe.”

Yowana 4:41

Abhaanu bhaafu muno nibheekirisya Yeesu inguru ya emisango jinu aayikaga.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Ebikorwa 13:23

“Okusooka mu‑ruganda rwa omukama Dawudi, Nyamuwanga aareetera Abhayisirayeeri Omuchungusi Yeesu, rwa kutyo ꞉aabharagire.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.