Yowana 3:27 - Indagano Inyaaya mu-Chijita

²⁷ Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

INDAGANO INYA:YA

²⁷ Yoana naindura na:ika ati, Omu:nu atakutura kuramira ecigambo co:ne tari aciyabirwe okuso:ka mu rwire.

Yowana 3:27 Referans Kwoze

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

1 Bakorinto 4:7

Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

Matayo 25:15

ˆNaayaana bhuri mugaya okwingana na obhuturo bhwaye. ˆNaayaana owa okwamba jipirya nyafu, nijikingaga jitaranta etaanu, wa kabhiri jitaranta ebhiri na owa kasatu itaranta imwi. Niwo ˆnaagenda mu‑rugendo.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

Matayo 21:25

Angu, obhuturo bhwa Yowana Omubhatiija okubhatiija ꞉bhwasookere aaki? ꞉Bhwasookere ku‑Nyamuwanga unu ari mu‑rwire amwi ku‑bhaanu?” Niwo nibhaamba okwayikana abheene era ati, “Araabha chikamubhwira ati ꞉bhwasookere ku‑Nyamuwanga, kaja okuchibhuusya ati, ‘Mbe, kurwa ki ꞉mutaamwikirisiisye?’

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

Mariko 13:34

“Okuuja kwani okususanyibhwa na omuunu unu ꞉eendere okuja orugendo. ˆNaasigira abhakosi bhaaye inju yaaye korereki bhayangarire. ˆNaagabhira bhoone emirimu ja okukora. ˆNaaragirira omuriisi wa orwigi ati, atengeeje.”

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

1 Bakorinto 12:11

Mwoyo oyooyo umwi kaakora emirimu ejo joone. Omwene kaayaana bhuri muunu echiyaanwa chaaye, rwa kutyo Mwoyo omwene keenda.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

1 Bakorinto 1:1

Inyarubha inu, niikaamire anye Pawuro, niri aamwi na Sositeene omuyiri weeswe mu‑riikirisya. Anye Pawuro ꞉naabhirikiiywe okubha itumwa ya Kirisito Yeesu mu‑kwenda kwa Nyamuwanga.

Yowana 6:65

Mbe, ˆnaagenderera okubhabhwira ati, “Eyo niyo isonga inu yaakora nimbabhwira ati, atari‑wo omuunu unu kaatura okuuja kw‑anye, araabha atatangasiibhwe na Raata.”

Yowana 10:41

Abhaanu bhaafu nibhamujaa‑ko, nibhaayika ati, “Yowana ꞉ataakorere echibharikisyo noorwo chimwi, nawe emisango joone jinu aariga ˆnaayika inguru ya Yeesu, jaariga jiri ja echimari.”